തിരുവനന്തപുരം: പെരിയ ഇരട്ടകൊലപാതക കേസില്‍ സി.ബി.ഐ അന്വേഷണം ആവശ്യമില്ലെന്ന് സര്‍ക്കാര്‍ ഹൈക്കോടതിയില്‍. നിലവിലെ അന്വേഷണം തൃപ്തികരമെന്നും സര്‍ക്കാര്‍ ഹൈക്കോടതിയെ അറിയിച്ചു.
കേസില്‍ സി.പി.ഐ.എം നേതൃത്വത്തിന് പങ്കില്ലെന്ന് ക്രൈംബ്രാഞ്ച്. ഹൈക്കോടതിയില്‍ അറിയിച്ചു. പീതാംബരനും അനുയായികളും ചേര്‍ന്നാണ് കൊലപാതകം നടത്തിയത്. കൊലപാതകം ആസുത്രണം ചെയ്തത് പാര്‍ട്ടിയില്‍ നിന്നും പിന്തുണ ലഭിക്കാത്തതിനാലാണെന്നും പാര്‍ട്ടിയില്‍ നിന്നും രാജിവെക്കുമെന്നും പീതാംബരന്‍ ഭീഷണി മുഴക്കിയതായി ക്രൈബ്രാഞ്ച് അറിയിച്ചു.
കാസര്‍ഗോട്ടെ പെരിയയില്‍ യൂത്ത് കോണ്‍ഗ്രസ് പ്രവര്‍ത്തകര്‍ ശരത് ലാലും കൃപേഷും കൊല്ലപ്പെട്ട കേസില്‍ പെരിയ ലോക്കല്‍ കമ്മിറ്റി അംഗം പീതാംബരനെ സി.പി.ഐ.എം പുറത്താക്കിയിരുന്നു. പീതാംബരനെ ആക്രമിച്ച കേസില്‍ പ്രതികളായിരുന്നു കൊല്ലപ്പെട്ട യൂത്ത് കോണ്‍ഗ്രസ് പ്രവര്‍ത്തകരായ ശരത് ലാലും കൃപേഷും.
