മലയാളത്തിലെ ഏത് താരമായാലും അവരെല്ലാം നമ്മളിലൊരാളായി നില്‍ക്കുന്നവരാണ്. വലിയ താരമാണെന്ന ജാഡയോ മസിലുപിടുത്തമോ ആര്‍ക്കുമില്ല
മമ്മൂട്ടി, മോഹന്‍ലാല്‍, പ്രിത്വിരാജ്, ഫഹദ് ഫാസില്‍ തുടങ്ങി മലയാളത്തിലെ മികച്ച എല്ലാ നടന്‍മാരുടെയും കൂടെ അഭിനയിക്കാന്‍ കഴിഞ്ഞ നടിയാണ് ആന്‍ഡ്രിയ. എന്നാല്‍ ഇതൊന്നും കൃത്യമായി പ്ലാന്‍ ചെയ്ത് സംഭവിക്കുന്നതല്ലെന്നാണ് താരം പറയുന്നത്.
ഓരോ സിനിമയും സംഭവിക്കുന്നത്. മലയാളം നന്നായി സംസാരിക്കാന്‍ അറിയില്ല. അതുകൊണ്ട് തന്നെ ഓരേ സമയം കുറേ സിനിമകള്‍ മലയാളത്തില്‍ ചെയ്യാനും ബുദ്ധിമുട്ടാണെന്നും താരം പറയുന്നു.
മലയാളത്തിലെ മികച്ച നടന്‍മാര്‍ക്കൊപ്പമെല്ലാം അഭിനയിച്ചിട്ടുണ്ടെങ്കിലും ദുല്‍ഖര്‍ സല്‍മാനൊപ്പം അഭിനയിക്കാന്‍ സാധിച്ചിട്ടില്ല. മലയാളത്തിലെ ഏത് താരമായാലും അവരെല്ലാം നമ്മളിലൊരാളായി നില്‍ക്കുന്നവരാണ്.
വലിയ താരമാണെന്ന ജാഡയോ മസിലുപിടുത്തമോ ആര്‍ക്കുമില്ല. വളരെ കഴിവുള്ളവരാണ് ഓരോ താരങ്ങളും. മലയാളം സിനിമയില്‍ മാത്രമാണ് നടീനടന്‍മാരെ താരങ്ങള്‍ എന്ന് വിശേഷിപ്പിക്കുന്നത്.
ലോകത്തിലെ എല്ലാ ഭാഷയിലുള്ള സിനിമാ ആരാധകരും മലയാളസിനിമയെ കാര്യമായി നിരീക്ഷിക്കുന്നുണ്ടെന്നും ആന്‍ഡ്രിയ പറയുന്നു. അല്പം ഗൗരവമുള്ള കഥാപാത്രങ്ങളാണ് എനിക്ക് മലയാളത്തില്‍ നിന്നും ലഭിക്കാറ്. ആളുകള്‍ എന്നെ അത്തരത്തില്‍ കാണുന്നത് കൊണ്ടായിരിക്കാം അതെന്നും ആന്‍ഡ്രിയ പറയുന്നു.