ജനങ്ങള്‍ നല്ല ഭരണമാണ് ആഗ്രഹിക്കുന്നത്; അവര്‍ കോണ്‍ഗ്രസിനെ വീണ്ടും അധികാരത്തിലെത്തിക്കും: അശോക് ഗെഹ്‌ലോട്ട്
ഡൂള്‍ന്യൂസ് ഡെസ്‌ക്
Monday, 16th October 2023, 8:06 pm
ജയ്പൂര്‍: വരുന്ന നിയമസഭാ തെരഞ്ഞെടുപ്പില്‍ കോണ്‍ഗ്രസിനെ വീണ്ടും അധികാരത്തിലെത്തിക്കാന്‍ ജനങ്ങള്‍ തയ്യാറാണെന്ന് രാജസ്ഥാന്‍ മുഖ്യമന്ത്രി അശോക് ഗെഹ്‌ലോട്ട്.
ജനങ്ങള്‍ നല്ല ഭരണമാണ് ആഗ്രഹിക്കുന്നതെന്നും തന്റെ നേതൃത്വത്തിലുള്ള സര്‍ക്കാരിന് അതിന് സാധിച്ചുവെന്നും അദ്ദേഹം പറഞ്ഞു. കൊവിഡിനും തന്റെ സര്‍ക്കാരിനെ അട്ടിമറിക്കാനുള്ള ഗൂഢാലോചനയുമടക്കമുള്ള വെല്ലുവിളികള്‍ക്കിടയിലും കോണ്‍ഗ്രസ് സര്‍ക്കാരിന് മികച്ച ഭരണം കാഴ്ചവെക്കാനായെന്നും ഗെഹ്‌ലോട്ട് വ്യക്തമാക്കി.
