രണ്ട് വര്‍ഷം മുമ്പ് ഗോരക്ഷക ഗുണ്ടകള്‍ കൊലപ്പെടുത്തിയ പെഹ്‌ലുഖാനെതിരെ പശു മോഷണത്തിന് കേസെടുത്ത് രാജസ്ഥാന്‍ സര്‍ക്കാര്‍
ഡൂള്‍ന്യൂസ് ഡെസ്‌ക്
Saturday, 29th June 2019, 9:02 am
ജയ്പൂര്‍: രണ്ടു വര്‍ഷം മുമ്പ് രാജസ്ഥാനിലെ ആല്‍വാറില്‍ ഗോരക്ഷക ഗുണ്ടകള്‍ അടിച്ചുകൊലപ്പെടുത്തിയ ക്ഷീര കര്‍ഷകനായ പെഹ്‌ലുഖാനെതിരെ പുതിയ പശു മോഷണക്കേസെടുത്ത് കോണ്‍ഗ്രസ് സര്‍ക്കാര്‍.
കഴിഞ്ഞ വര്‍ഷം ഡിസംബറില്‍ സംസ്ഥാനത്ത് കോണ്‍ഗ്രസ് അധികാരത്തിലെത്തിയതിന് പിന്നാലെ ഡിസംബര്‍ 30നാണ് കുറ്റപത്രം തയ്യാറാക്കിയിരിക്കുന്നത്. മെയ് 29ന് ബെഹ്‌റോറിലെ അഡീഷണല്‍ ചീഫ് ജുഡീഷ്യല്‍ മജിസ്‌ട്രേറ്റിന് ഇത് സമര്‍പ്പിക്കുകയും ചെയ്തിട്ടുണ്ട്. പെഹ്‌ലുഖാനെ കൂടാതെ അദ്ദേഹത്തിന്റെ രണ്ട് മക്കളായ ഇര്‍ഷാദ്, ആരിഫ്, കാലികളെ കൊണ്ട് പോകാന്‍ ഉപയോഗിച്ച പിക്ക് അപ്പ് ഉടമ എന്നിവര്‍ക്കെതിരെയും കേസുണ്ട്.
