കാസര്‍കോട്: പെരിയയിൽ നടന്ന ഇരട്ടക്കൊലപാതക കേസിൽ പ്രതിയായ സി.പി.ഐ.എം മുൻ ലോക്കൽ കമ്മിറ്റി അംഗം പീതാംബരനെ കാഞ്ഞങ്ങാട്​ ഹോസ്​ദുർഗ്​ ജുഡീഷ്യൽ ഒന്നാം ക്ലാസ്​ മജിസ്​ട്രേറ്റ്​ കോടതി ഏഴ്​ ദിവസത്തെ പൊലീസ്​ കസ്​റ്റഡിയിൽ വിട്ടു. തെളിവെടുപ്പിന്​ ശേഷം വൈകുന്നേരത്തോടെയാണ്​ പീതാംബരനെ കോടതിയിൽ ഹാജരാക്കിയത്​. പീതാംബരൻ കൊലയുടെ ഉത്തരവാദിത്തം പൂർണ്ണമായും ഏറ്റെടുത്തു.

Also Read എസ്.ബി.ഐ. ജീവനക്കാരന്റെ ആത്മഹത്യ;  അസ്വസ്ഥതപ്പെടുത്തുന്ന യാഥാര്‍ത്ഥ്യങ്ങള്‍

കൊലപാതകത്തിന്​ പിന്നിൽ പ്രവർത്തിച്ചത്​ സി.പി.ഐ.എം പ്രവർത്തകരാണെന്നും പെരിയയിലുണ്ടായ സംഭവം സമൂഹ മനഃസാക്ഷിയെ ഞെട്ടിച്ചുവെന്നും പോലീസ് റിപ്പോർട്ടിൽ പറഞ്ഞിട്ടുണ്ട്. പീതാംബരന്റെ സാനിധ്യത്തിൽ പൊലീസ് രാവിലെ തെളിവെടുപ്പ്​ നടത്തിയിരുന്നു. ഇതിനിടെയാണ് കൊലക്കുപയോഗിച്ച ഇരുമ്പ്​ ദണ്ഡുകളും വാളുകളും മറ്റ് ആയുധങ്ങളും കണ്ടെടുത്തത്. കൊല നടത്തിയതിന് ശേഷം അടുത്തുള്ള ആളൊഴിഞ്ഞ പറമ്പിലെ പൊട്ടക്കിണറ്റിൽ ആയുധങ്ങൾ ഉപേക്ഷിച്ചിരുന്നു.

Also Read “ഭാര്യയോട് അങ്ങനെ പറഞ്ഞുകാണും, എന്നാലത് പാർട്ടിയുടെ തീരുമാനമല്ല”: കോടിയേരി ബാലകൃഷ്‌ണൻ

തെളിവെടുപ്പ് നടന്നുകൊണ്ടിരിക്കുന്നതിനിടെ നാട്ടുകാർ പീതാംബരൻ കയ്യേറ്റം ചെയ്യാൻ ശ്രമിക്കുകയും ഇത് നേരിയ സംഘർഷത്തിന് ഇടയാക്കുകയും ചെയ്തു. കൊലപാതകത്തി​​​​െൻറ ഉത്തരവാദിത്തം പീതാംബരന്‍ ഏറ്റെടുത്ത് ക്വട്ടേഷന്‍ സംഘത്തിന് പങ്കില്ല എന്ന് മൊഴി നല്‍കുകയും ചെയ്​തു. ഈ മൊഴി അന്വേഷണ സംഘം വിശ്വാസത്തിൽ എടുത്തിട്ടില്ല.