കോഴിക്കോട്: മാരകായുധങ്ങളുമായി എത്തി പാര്‍ട്ടിയുടെ കൊടിമരം നശിപ്പിക്കാനെത്തിയവരെ കൈകാര്യം ചെയ്തത് പി.സി ജോര്‍ജ്ജ് നേരിട്ട്. വടിവാളും കുറുവടിയുമായെത്തി കൊടിമരം നശിപ്പിച്ച ശേഷം വിദ്യാര്‍ത്ഥി നേതാവിനെ ആക്രമിക്കാനെത്തിയവരെയാണ് മുണ്ടും മടക്കി കുത്തി പി.സി നേരിട്ടത്.
അടുത്തിടെ പുറത്തിറങ്ങിയ “അച്ചായന്‍സ്” എന്ന സിനിമയിലാണ് രോമാഞ്ചമുണ്ടാക്കുന്ന പി.സി ജോര്‍ജ്ജിന്റെ മാസ് ഇന്‍ട്രോ സീന്‍ ഉള്ളത്. ഈ രംഗം ഇപ്പോള്‍ സമൂഹമാധ്യമങ്ങളില്‍ വൈറലായിരിക്കുകയാണ്. 70,000-ത്തോളം പേരാണ് ഇതിനോടകം വീഡിയോ കണ്ടുകഴിഞ്ഞത്.
“പൂഞ്ഞാര്‍ ആശാന്‍” എന്ന പി.സി ജോര്‍ജ്ജിന്റെ ആരാധകരുടെ ഫേസ്ബുക്ക് പേജിലാണ് ഈ വീഡിയോ അപ്‌ലോഡ് ചെയ്തിരിക്കുന്നത്. മികച്ച പ്രതികരണമാണ് ആരാധകരില്‍ നിന്ന് പി.സിയുടെ വീഡിയോയ്ക്ക് ലഭിക്കുന്നത്.
ആടുപുലിയാട്ടത്തിന് ശേഷം ജയറാം-കണ്ണന്‍ താമരക്കുളം കൂട്ടുകെട്ട് ഒരുമിക്കുന്ന ചിത്രമാണ് അച്ചായന്‍സ്. ജയറാമിനൊപ്പം പ്രകാശ് രാജ്, ഉണ്ണി മുകുന്ദന്‍, ആദില്‍, സഞ്ജു ശിവറാം, അമല പോള്‍ തുടങ്ങിയവരും ചിത്രത്തിലുണ്ട്. പ്രയാഗ മാര്‍ട്ടിനാണ് അച്ചായന്‍സിലെ നായിക.
പി.സി. ജോര്‍ജ്ജിന്റെ മാസ് ഇന്‍ട്രോ കാണാം: