കോഴിക്കോട്: പ്രളയദുരിതമനുഭവിക്കുന്ന കേരളത്തിന് പേടിഎം ഉപഭോക്താക്കള്‍ കൈമാറിയത് നാല് ദിവസം കൊണ്ട് 30 കോടി രൂപ. പേടിഎം തങ്ങളുടെ ഫേസ്ബുക്ക് പേജിലാണ് ഇക്കാര്യം വ്യക്തമാക്കിയത്.
12 ലക്ഷം ഉപഭോക്താക്കളില്‍ നിന്നായാണ് ഈ തുക സമാഹരിച്ചത്.
ആദ്യ 48 മണിക്കൂറില്‍ 10 കോടി രൂപയും പിന്നീട് 20 കോടി രൂപയുമാണ് സമാഹരിച്ചത്. പേടിഎം മൊബൈല്‍ ആപ്പില്‍ നിന്നാണ് ഇത്രയും തുക സമാഹരിച്ചത്.
നേരത്തെ പേടിഎം സ്ഥാപകന്‍ വിജയ് ശേഖര്‍ 10000 രൂപയായിരുന്നു സംഭാവന നല്‍കിയത്.