മാഞ്ചസറ്റര്‍ താരത്തെ ഭീഷണിപ്പെടുത്തി പണം തട്ടിയെടുക്കാന്‍ ഗൂഢാലോചന, പോള്‍ പോഗ്ബയുടെ സഹോദരനെ കസ്റ്റഡിയിലെടുത്തു
സ്പോര്‍ട്സ് ഡെസ്‌ക്
Sunday, 18th September 2022, 7:45 pm
മുന്‍ മാഞ്ചസ്റ്റര്‍ യുണൈറ്റഡ് താരത്തെ ഭീഷണിപ്പെടുത്തി പണം തട്ടിയെടുക്കാന്‍ ഗൂഢാലോചന നടത്തിയ കേസില്‍ പോള്‍ പോഗ്ബയുടെ സഹോദരനെ കസ്റ്റഡിയിലെടുത്തതായി റിപ്പോര്‍ട്ട്. പോഗ്ബയുടെ സഹോദരന്‍ മത്യാസ് പോഗ്ബയെയാണ് പൊലീസ് അന്വേഷണത്തിന് വിധേയമാക്കിയിരിക്കുന്നത്.
സഹോദരന്‍ പോള്‍, യുവന്റസ് മിഡ്ഫീല്‍ഡര്‍ എന്നിവരില്‍ നിന്ന് 13 മില്യണ്‍ യൂറോ തട്ടിയെടുക്കാന്‍ ശ്രമിച്ചുവെന്ന ആരോപണത്തെ തുടര്‍ന്ന് അധികൃതര്‍ അന്വേഷണം നടത്തുകയായിരുന്നു. തുടര്‍ന്ന് പോഗ്‌ബെയുടെ സഹോദരന്‍ മത്യാസിനെയും മറ്റ് നാല് പേരെയും അന്വേഷണത്തിന് വിധേയമാക്കിയതായി ബി.ബി.സി റിപ്പോര്‍ട്ട് ചെയ്തു.
എന്നാല്‍ മത്യാസ് നിരപരാധിയാണെന്നും ഇത് വെറും ആരോപണമാണെന്നും മത്യാസ് പോഗ്ബയുടെ അഭിഭാഷകന്‍ യാസിന്‍ ബൂസ്റോ പറഞ്ഞു. സത്യാവസ്ഥ ഉടന്‍ പുറത്തുവരുമെന്ന് തങ്ങള്‍ വെല്ലുവിളിക്കുയാണെന്നും അദ്ദേഹം കൂട്ടിച്ചേര്‍ത്തു.
