പാതിരാകാറ്റ് സിനിമയുടെ ഗാനങ്ങളും ടീസറും സിനിമയുടെ അണിയറ പുറത്തിറക്കി. പുറത്തിറക്കി. സന നിയ പ്രൊഡക്ഷന്‍ ഹൗസിന്റെ ബാനറില്‍ നജീബ് മടവൂര്‍ കഥ തിരക്കഥ സംഭാഷണമെഴുതി സംവിധാനം ചെയ്ത ചിത്രമാണ് പാതിരാക്കാറ്റ്. തമിഴ് നടന് ശ്രീറാം കാര്‍ത്തിക് നായകനാവുന്ന ചിത്രത്തില്‍ പുതുമുഖങ്ങളായ ആവണി ഷാരോണ്‍, സഹിം എന്നിവരാണ് നായികമാരായെത്തുന്നത്.
സാജു നവോദയ, ഷിനോജ് വര്‍ഗീസ്, നിര്‍മല്‍ പാലാഴി, ശിവജി ഗുരുവായൂര്‍, സന്തോഷ് കീഴാറ്റൂര്‍, രഞ്ജി കങ്കോല്‍, രശ്മി ബോബന്‍, ഐശ്വര്യ ആമി, ആര്യ, നന്ദന എന്നിവരാണ് സിനിമില്‍ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
ഷാഹുഷായാണ് ചിത്രത്തിന്റെ ഛായാഗ്രഹണം നിര്‍വഹിച്ചിരിക്കുന്നത്. മനു മഞ്ജിത്ത്, കെ.സി അഭിലാഷ്, വിജയരാജ് പ്രവീണ്‍ എന്നിവരുടെ വരികള്‍ക്ക് റെജിമോന്‍ ബിജു എസാണ് സംഗീതം നല്‍കിയത്. ജാസി ഗിഫ്റ്റ്, സിത്താര കൃഷ്ണകുമാര്‍, ജനനി.എസ്.വി എന്നിവരാണ് ഗാനങ്ങള്‍ ആലപിച്ചിരിക്കുന്നത്.
സിനിമയുടെ എഡിറ്റിങ് നിര്‍വഹിച്ചിരിക്കുന്നത് സജിത്ത് എന്‍.എസാണ്. പ്രൊഡക്ഷന്‍ കണ്‍ട്രോളര്‍ ഷൗക്കത്ത് മന്നലാംകുന്ന്. ആര്‍ട്ട്-രാജേഷ് കെ.ആനന്ദ്, മേക്കപ്പ്-റോനിഷ, വസ്ത്രലങ്കാരം-രാജശ്രീ ബോളിവുഡ്, സജിത്ത് മുക്കം, അസോസിയേറ്റ് ഡയറക്ടര്‍-സുമീന്ദ്ര നാഥ്, സംഘട്ടനം-ബ്രൂസിലി രാജേഷ് നൃത്തം-കിരണ്‍, മന്‍സൂര്‍.
കോഴിക്കോട് മുക്കം, കോയമ്പത്തൂര്‍ എന്നിവിടങ്ങളിലായി ചിത്രീകരണം പൂര്‍ത്തിയാക്കിയ ഫാമിലി സസ്‌പെന്‍സ് ത്രില്ലര്‍ സിനിമയാണ് പാതിരക്കാറ്റ്. ഫെബ്രുവരിയിലാണ് സിനിമ തിയേറ്ററിലെത്തുന്നത്.
content highlight: pathirakattu movie song out