ആര്‍.ആര്‍.ആറിനെയും തകര്‍ത്ത് പത്താന്റെ വിജയക്കുതിപ്പ്, അങ്ങ് അമേരിക്കയിലും ഷാരൂഖ് തേരോട്ടം
എന്റര്‍ടെയിന്‍മെന്റ് ഡെസ്‌ക്
Monday, 6th February 2023, 2:18 pm
നാല് വര്‍ഷത്തെ ഇടവേളക്ക് ശേഷം ഷാരൂഖ് ഖാന്‍ തന്റെ തിരിച്ചുവരവ് അടയാളപ്പെടുത്തിയ സിനിമയാണ് പത്താന്‍. വലിയ കളക്ഷന്‍ റെക്കോര്‍ഡുകള്‍ സൃഷ്ടിച്ചാണ് പത്താന്‍ മുന്നേറുന്നത്. ദീപിക പദുക്കോണ്‍, ജോണ്‍ എബ്രഹാം തുടങ്ങിയവരാണ് സിനിമയില്‍ മറ്റ് പ്രധാന കഥാപാത്രങ്ങളെ അവതരിപ്പിച്ചത്. റിലീസ് ചെയ്ത് പതിമൂന്ന് ദിവസങ്ങള്‍ പിന്നിടുന്ന പത്താന്‍ ഇപ്പോള്‍ 800 കോടിയെന്ന റെക്കോര്‍ഡിലെത്തിയിരിക്കുകയാണ്.
ഇന്ത്യയില്‍ മാത്രമായി പത്താന്‍ 429 കോടിയാണ് സ്വന്തമാക്കിയിരിക്കുന്നത്. ഏറ്റവും കളക്ഷന്‍ നേടിയ ബോളിവുഡ് ചിത്രം എന്ന റെക്കോര്‍ഡ് നേടിയ പത്താന്‍ ഇന്നലെ(ഫെബ്രുവരി 5) 28 കോടിയാണ് സ്വന്തമാക്കിയത്. ഗോള്‍ഡന്‍ ഗ്ലോബ് നേടിയ ആര്‍.ആര്‍.ആറിന്റെ അമേരിക്കയിലെ കളക്ഷനും ചിത്രം ഉടന്‍ തകര്‍ക്കും എന്നാണ് റിപ്പോര്‍ട്ടുകള്‍.
