തെലുങ്ക് ഹൊറര്‍ ത്രില്ലര്‍ വെബ് സീരീസില്‍ പാര്‍വതി; ഒപ്പം നാഗ ചൈതന്യയും; ട്രെയ്‌ലര്‍ പുറത്ത്
എന്റര്‍ടെയിന്‍മെന്റ് ഡെസ്‌ക്
Thursday, 23rd November 2023, 11:36 am
നാഗ ചൈതന്യ നായകനാകുന്ന ‘ധൂത’ തെലുങ്ക് വെബ് സീരീസിന്റെ ഒഫീഷ്യല്‍ ട്രെയ്‌ലര്‍ പുറത്തുവന്നു. ഈ ഹൊറര്‍ ത്രില്ലര്‍ സീരീസില്‍ മലയാളത്തില്‍ നിന്നും പാര്‍വതി തിരുവോത്തും അഭിനയിക്കുന്നുണ്ട്.
ഏറെ ആകാംക്ഷയുയര്‍ത്തുന്ന ട്രെയ്‌ലറാണ് ഇപ്പോള്‍ പുറത്തു വന്നിരിക്കുന്നത്. എട്ട് എപ്പിസോഡുള്ള സീരീസില്‍ പത്രപ്രവര്‍ത്തകനായ സാഗര്‍ എന്ന കഥാപാത്രമായാണ് നാഗ ചൈതന്യ എത്തുന്നത്.
138 കോടി ജനങ്ങളെ സംരക്ഷിക്കേണ്ട നീതിന്യായ വ്യവസ്ഥയും രാഷ്ട്രീയക്കാരും പൊലീസും തെറ്റ് ചെയ്യുമ്പോള്‍ അവരെ ചോദ്യം ചെയ്യേണ്ടത് പത്രപ്രവര്‍ത്തകരാണ് എന്ന നാഗ ചൈതന്യയുടെ ഡയലോഗോടു കൂടെയാണ് ട്രെയ്‌ലര്‍ ആരംഭിക്കുന്നത്.
