അമര്‍നാഥ് എം.13 min
ഭീമ ജ്വല്ലറിയുടെ പുതിയ പരസ്യത്തെ അഭിനന്ദിച്ചുകൊണ്ട് നടി പാര്‍വതി തിരുവോത്ത്. പരസ്യം തന്നെ ആഴത്തില്‍ സ്പര്‍ശിച്ചുവെന്നാണ് പാര്‍വതി തന്റെ ഇന്‍സ്റ്റഗ്രാം സ്റ്റോറിയിലൂടെ പറഞ്ഞത്.
ട്രാന്‍സ്‌ജെന്ററിന്റെ ജീവിതം പശ്ചാത്തലമാക്കിയ ഭീമയുടെ പുതിയ പരസ്യത്തിന് വലിയ സ്വീകാര്യതയാണ് സമൂഹമാധ്യമങ്ങളില്‍ ലഭിച്ചുകൊണ്ടിരിക്കുന്നത്. യഥാര്‍ത്ഥ ട്രാന്‍സ്‌വുമണ്‍ ആയ മീര സങ്കിയയാണ് പരസ്യത്തില്‍ അഭിനയിച്ചിരിക്കുന്നത്.
സ്‌നേഹം പോലെ പരിശുദ്ധമെന്ന ടാഗ്‌ലൈനോടെയാണ് പരസ്യം പുറത്തിറങ്ങിയത്. പെണ്ണായാല്‍ പൊന്നുവേണം എന്ന പരസ്യത്തില്‍ നിന്നും ഭീമ ഏറെ മുന്നോട്ട് വന്നിരിക്കുന്നുവെന്നാണ് നിരവധി പേര്‍ പരസ്യത്തിന് പിന്തുണയര്‍പ്പിച്ചുകൊണ്ട് സമൂഹമാധ്യമങ്ങളില്‍ കുറിച്ചത്. ട്രാന്‍സ്‌ജെന്റര്‍ വ്യക്തികളും പരസ്യത്തിന് പിന്തുണയറിയിച്ച് കൊണ്ട് രംഗത്തെത്തിയിരുന്നു.
ഭാരത് സിക്കയാണ് പരസ്യം സംവിധാനം ചെയ്തിരിക്കുന്നത്. ദല്‍ഹിയിലെ ആനിമല്‍ എന്ന ഏജന്‍സിയാണ് പരസ്യം തയ്യാറാക്കിയിരിക്കുന്നത്.
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
Content Highlight: Parvathy Thiruvoth Bheema jewellery
