തിരുവനന്തപുരം: തനിക്കെതിരെ സൈബര്‍ ആക്രമണം നടക്കുന്നുവെന്ന് കാട്ടി നടി പാര്‍വ്വതി പൊലീസില്‍ പരാതി നല്‍കി. സാമൂഹ്യ മാധ്യമങ്ങളിലൂടെ വ്യക്തിഹത്യ നടത്താന്‍ ശ്രമിക്കുന്നു എന്നു കാട്ടിയാണ് പാര്‍വതി പരാതി നല്‍കിയിരിക്കുന്നത്.

മമ്മൂട്ടി നായകനായി അഭിനയിച്ച കസബ എന്ന ചിത്രത്തിലെ സ്ത്രീവിരുദ്ധ പരാമര്‍ശങ്ങളെക്കുറിച്ച് നടത്തിയ വിമര്‍ശനത്തിന് പിന്നാലെ നടിക്കെതിരെ സാമൂഹ്യ മാധ്യമങ്ങളില്‍ സംഘടിത സൈബര്‍ ആക്രമണം നടന്നിരുന്നു. മമ്മൂട്ടി ആരാധകായിരുന്നു ആക്രമണത്തിന് പിന്നില്‍.

പാര്‍വ്വതിയെ പിന്തുണച്ച് രംഗത്തെത്തിയ മറ്റ് സഹപ്രവര്‍ത്തകര്‍ക്കും സിനിമാപ്രവര്‍ത്തകര്‍ക്കും സമാനമായ സൈബര്‍ അക്രമണം നേരിടേണ്ടി വന്നിട്ടുള്ളതായും പരാതിയില്‍ പറയുന്നു.