ജൂലൈ 3നാണ് ചിത്രം തിയ്യേറ്ററുകളിലെത്തിയത്. തിയ്യേറ്ററുകളില്‍ നിന്നും മികച്ച അഭിപ്രായമാണ് ചിത്രം നേടിക്കൊണ്ടിരിക്കുന്നത്.
മലയാള ചിത്രം “പ്രേമം”ത്തിന്റെ വ്യാജ പതിപ്പുകള്‍ പുറത്തിറങ്ങിയതുമായി ബന്ധപ്പെട്ട് അന്വേഷണം പുരോഗമിക്കുന്നതിനിടെയാണ് “പാപനാശവും” ഇന്റര്‍നെറ്റിലെത്തിയിരിക്കുന്നത്.
പ്രേമത്തിന്റെ വ്യാജ പതിപ്പുകള്‍ പുറത്തിറങ്ങിയതിനെ തുടര്‍ന്ന് സംവിധായകന്‍ അന്‍വര്‍ റഷീദ് എല്ലാ ചലച്ചിത്ര സംഘടനകളില്‍ നിന്നും രാജിവെച്ചിരുന്നു. ഇതോടെയാണ് സംഭവം വിവാദമായത്. ഇതേത്തുടര്‍ന്ന് ആഭ്യന്തര മന്ത്രിയും ഡി.ജി.പിയും ഇടപെട്ട് അന്വേഷണം ഊര്‍ജിതമാക്കിയെങ്കിലും ഇതുവരെ കുറ്റക്കാരെ കണ്ടെത്താന്‍ കഴിഞ്ഞിട്ടില്ല.
ഇതിനിടെയിലാണ് മലയാളിയായ സംവിധായകന്‍ ജിത്തു ജോസഫിന്റെ തമിഴ് ചിത്രവും ഇന്റര്‍നെറ്റിലെത്തിയിരിക്കുന്നത്.