പത്തനംതിട്ടയില്‍ വൃദ്ധനെ വീടുകയറി വെട്ടി പഞ്ചായത്ത് പ്രസിഡന്റും സംഘവും
ഡൂള്‍ന്യൂസ് ഡെസ്‌ക്
Monday, 9th August 2021, 11:17 am
പത്തനംതിട്ട: വൃദ്ധനെ ആക്രമിച്ച് പഞ്ചായത്ത് പ്രസിഡന്റും സംഘവും. കുറ്റൂരിലാണ് സംഭവം. വൃദ്ധനും പ്രദേശത്തെ ചിലരുമായി തുടരുന്ന ചില തര്‍ക്കങ്ങളാണ് അക്രമത്തില്‍ കലാശിച്ചതെന്നാണ് റിപ്പോര്‍ട്ടുകള്‍.
പൊലീസ് നോക്കിനില്‍ക്കേയാണ് കുറ്റൂര്‍ പഞ്ചായത്ത് പ്രസിഡന്റും ഒപ്പമുള്ളവരും ചേര്‍ന്ന് എഴുപത്തൊന്നുകാരനെ വെട്ടിയത്. സി.പി.ഐ.എം അംഗമാണ് പഞ്ചായത്ത് പ്രസിഡന്റ്.
വൃദ്ധന്റെ വീട്ടിലെത്തിയ സംഘം ഇയാളുടെ വീടിന്റെ മതില്‍ ജെ.സി.ബി ഉപയോഗിച്ച് പൊളിച്ചുമാറ്റുകയായിരുന്നു. തുടര്‍ന്നാണ് വീട്ടിനകത്തു കയറി ഇയാളെ വെട്ടിയത്.
വഴിത്തര്‍ക്കത്തെ തുടര്‍ന്നാണ് സി.പി.ഐ.എം. പ്രവര്‍ത്തകരുടെ മര്‍ദ്ദനമെന്നാണ് പ്രാഥമിക റിപ്പോര്‍ട്ടുകള്‍. സംഭവത്തിന്റെ ചില ദൃശ്യങ്ങള്‍ പുറത്തുവന്നിട്ടുണ്ട്.
