മുസ്‌ലിം ലീഗിനോളം വനിതകളെ പരിഗണിച്ചവര്‍ കുറവായിരിക്കും; മുഖ്യമന്ത്രിയ്ക്ക് സാദിഖലി ശിഹാബ് തങ്ങളുടെ മറുപടി
ഡൂള്‍ന്യൂസ് ഡെസ്‌ക്
Monday, 4th October 2021, 6:35 pm
കോഴിക്കോട്: ലിംഗവിവേചനം കാട്ടുന്ന പാര്‍ട്ടിയല്ല മുസ്‌ലിം ലീഗ് എന്ന് പാണക്കാട് സാദിഖലി ശിഹാബ് തങ്ങള്‍. നിയമസഭയിലെ മുഖ്യമന്ത്രി പിണറായി വിജയന്റെ പരോക്ഷ വിമര്‍ശനത്തിനായിരുന്നു സാദിഖലി തങ്ങളുടെ മറുപടി.
‘മുസ്‌ലിം ലീഗിനോളം വനിതകളെ പരിഗണിച്ചവര്‍ കുറവായിരിക്കും. തദ്ദേശ സ്ഥാപനങ്ങളില്‍ ലീഗിന് രണ്ടായിരത്തില്‍ അധികം വനിതാ പ്രതിനിധികളുണ്ട്,’ അദ്ദേഹം പറഞ്ഞു.
ഹരിതക്ക് പുതിയ കമ്മിറ്റിയെ കൊണ്ട് വരികയാണ് ചെയ്തത്. പിന്നെ എവിടെയാണ് ലിംഗ വിവേചനമെന്നും സാദിഖലി തങ്ങള്‍ ചോദിച്ചു.
നിയമസഭയിലെ വിവാദങ്ങള്‍ക്ക് നിയമസഭയില്‍ തന്നെ മറുപടി നല്‍കിയിട്ടുണ്ടെന്നും അദ്ദേഹം പറഞ്ഞു.
