ആര്‍.ആര്‍.ആറും കശ്മീര്‍ ഫയല്‍സുമല്ല; ഇന്ത്യയുടെ ഒഫീഷ്യല്‍ ഓസ്‌കാര്‍ എന്‍ട്രി ചെല്ലോ ഷോ
എന്റര്‍ടെയിന്‍മെന്റ് ഡെസ്‌ക്
Tuesday, 20th September 2022, 8:33 pm
ഓസ്‌കാര്‍ പുരസ്‌കാരത്തിനുള്ള ഇന്ത്യയുടെ ഒഫീഷ്യല്‍ എന്‍ട്രി പ്രഖ്യാപിച്ചു. പാന്‍ നളിന്റെ സംവിധാനത്തിലൊരുങ്ങിയ ഗുജറാത്തി ചിത്രം ചെല്ലോ ഷോ( ലാസ്റ്റ് ഫിലിം ഷോ) ആണ് ഓസ്‌കാറില്‍ മത്സരിക്കാനായി തെരഞ്ഞെടുത്തത്.
എസ്.എസ്. രാജമൗലിയുടെ ആര്‍.ആര്‍.ആര്‍, വിവേക് അഗ്നിഹോത്രിയുടെ ദി കശ്മീര്‍ ഫയല്‍സ് എന്നീ ചിത്രങ്ങളെ മറികടന്നാണ് ചെല്ലോ ഷോ ഓസ്‌കാര്‍ മത്സരത്തിലേക്ക് യോഗ്യത നേടിയത്.
ഓസ്‌കാര്‍ എന്‍ട്രിയില്‍ സന്തോഷം രേഖപ്പെടുത്തി സംവിധായകന്‍ പാന്‍ നളിനും രംഗത്തെത്തി. ‘ഇത് ഒരു അത്ഭുത രാത്രിയാണ്. ഫിലിം ഫെഡറേഷന്‍ ഓഫ് ഇന്ത്യക്കും ജൂറി മെമ്പേഴ്‌സിനും നന്ദി. ചെല്ലോ ഷോയില്‍ വിശ്വാസം അര്‍പ്പിച്ചതിന് നന്ദി. ഇനി എനിക്ക് സമാധാനമായി ശ്വാസം വിടാം, സിനിമ ആസ്വദിപ്പിക്കുമെന്നും പ്രചോദിപ്പിക്കുമെന്നും പ്രകാശിപ്പിക്കുമെന്നും വിശ്വസിക്കാം,’ എന്നാണ് പാന്‍ നളിന്‍ ട്വീറ്റ് ചെയ്തത്.
