പാല്‍ഘാര്‍ ആള്‍ക്കൂട്ട കൊലപാതകം: അറസ്റ്റ് ചെയ്ത 47 പേര്‍ക്ക് ജാമ്യം അനുവദിച്ച് താനേ കോടതി
ഡൂള്‍ന്യൂസ് ഡെസ്‌ക്
Monday, 7th December 2020, 5:46 pm
താനേ: പാല്‍ഘാര്‍ ആള്‍ക്കൂട്ട കൊലപാതകക്കേസില്‍ പൊലീസ് അറസ്റ്റ് ചെയ്ത 47 പേര്‍ക്ക് ജാമ്യം അനുവദിച്ച് താനേ കോടതി. 47 പേരോടും 15,000 രൂപ കെട്ടിവെക്കാനും കോടതി ആവശ്യപ്പെട്ടു. താനേ ജില്ലാ ജഡ്ജി പി. പി ജാദവ് ആണ് കേസില്‍ വാദം കേട്ടത്.
2020 ഏപ്രില്‍ 16നായിരുന്നു പാല്‍ഘാര്‍ ആള്‍ക്കൂട്ട കൊലപാതകം നടന്നത്. അവയവങ്ങള്‍ക്കുവേണ്ടി കുട്ടികളെ തട്ടിക്കൊണ്ടു പോകുന്നവരാണെന്ന് ആരോപിച്ചായിരുന്നു ആള്‍ക്കൂട്ടം സംഘത്തെ ആക്രമിച്ചത്.
കല്ലുകളും വടികളും ഉപയോഗിച്ചായിരുന്നു ആക്രമണം. രണ്ട് സന്യാസിമാരെയും അവരുടെ കാറിലെ ഡ്രൈവറെയുമാണ് ആക്രമിച്ച് കൊലപ്പെടുത്തിയത്.
