വിലവര്‍ധനവില്‍ പ്രതിഷേധിച്ച് ഫലസ്തീനില്‍ ജനങ്ങള്‍ തെരുവില്‍
ഡൂള്‍ന്യൂസ് ഡെസ്‌ക്
Monday, 6th June 2022, 7:23 pm
ഹെബ്രോണ്‍: ഫലസ്തീനില്‍ വിലക്കയറ്റത്തിനെതിരെ ജനങ്ങള്‍ പ്രതിഷേധത്തില്‍. പ്രതിഷേധ പ്രകടനം നടത്തിയവരില്‍ നിരവധി പേരെ ഫലസ്തീനിയന്‍ പൊലീസ് അറസ്റ്റ് ചെയ്തു.
ഭക്ഷ്യ ഉല്‍പന്നങ്ങളുടക്കമുള്ള അവശ്യ വസ്തുക്കളുടെ വില വര്‍ധിക്കുന്നതാണ് ഫലസ്തീനില്‍ ജനങ്ങളുടെ പ്രതിഷേധത്തിനിടയാക്കുന്നത്.
ഇസ്രഈല്‍ അധിനിവേശ വെസ്റ്റ് ബാങ്കിലെ ഹെബ്രോണ്‍ നഗരത്തിലാണ് പ്രധാനമായും പ്രതിഷേധ പ്രകടനങ്ങള്‍ അരങ്ങേറുന്നത്. ഫലസ്തീനിയന്‍ അതോറിറ്റി വിലക്കയറ്റ വിഷയത്തില്‍ ഇടപെടണമെന്നാണ് പ്രതിഷേധക്കാരുടെ ആവശ്യം.
”സര്‍ക്കാര്‍ ഈ വിഷയത്തില്‍ ഇടപെടുകയും അനിയന്ത്രിതമായി ഉയരുന്ന വിലവര്‍ധനവ് അവസാനിപ്പിക്കണമെന്നുമാണ് ഞങ്ങള്‍ ആവശ്യപ്പെടുന്നത്.
