പാലാരിവട്ടം പുട്ട് ആണിപ്പോള്‍ സോഷ്യല്‍ മീഡിയയിലെ താരം. ഇന്നലെ മുതലാണ് ഈ പുട്ട് വൈറലായത്. തൊട്ടാല്‍ പൊളിയുന്ന കണ്‍സ്ട്രക്ഷന്‍ എന്ന സവിശേഷതയുണ്ടെന്നാണ് പുട്ട് നിര്‍മ്മാതാക്കളുടെ അവകാശ വാദം.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
തലശ്ശേരിയിലെ ലാ ഫെയര്‍ റെസ്റ്റോറന്റാണ് പാലാരിവട്ടം പുട്ടിന്റെ നിര്‍മ്മാതാക്കള്‍. റെസ്റ്റോറന്റ് പുറത്തിറക്കിയ പരസ്യ ചിത്രമാണ് ഇപ്പോള്‍ പലരുടേയും ഫേസ്ബുക്കിന്റെയും വാട്‌സ്ആപിന്റെയും വാള്‍പ്പേപ്പറും പ്രൊഫൈല്‍ പിക്ചറും.
നിരവധി സെലിബ്രിറ്റികളാണ് ചിത്രം സോഷ്യല്‍ മീഡിയയില്‍ ഷെയര്‍ ചെയ്തിരിക്കുന്നത്.കണ്ണൂര്‍ക്കാരനായ നടനും സംവിധായകനുമായ വിനീത് ശ്രീനീവാസന്‍ അതിലൊരാളാണ്.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
പാലാരിവട്ടം പാലം പൊളിച്ചു നീക്കി പുതിയ പാലം പണിയാന്‍ തീരുമാനിച്ച ഘട്ടത്തിലാണ് പാലാരിവട്ടം പുട്ടിന്റെ എന്‍ട്രി. ഇനി ഈ പുട്ട് കേരളത്തിലെ വിവിധ ഹോട്ടലുകളിലെ ചൂടന്‍ വിഭവം ആവുമോ എന്നേ അറിയേണ്ടതുള്ളൂ.