അത് ഐ.എസ് അനുകൂല പോസ്റ്ററുകളല്ല; പാലക്കാട്ട് നിന്ന് കണ്ടെടുത്തത് ഐ.എസ് വിരുദ്ധ പോസ്റ്ററുകളെന്ന് പൊലീസ്
ഡൂള്‍ന്യൂസ് ഡെസ്‌ക്
Wednesday, 15th September 2021, 8:20 pm
പാലക്കാട്: ആയുര്‍വേദ കടയുടെ മറവില്‍ പ്രവര്‍ത്തിച്ച സമാന്തര ടെലഫോണ്‍ എക്സ്ചേഞ്ചില്‍ നിന്ന് ഐ.എസ് ലഘുലേഖ ലഭിച്ചെന്ന വാര്‍ത്ത നിഷേധിച്ച് പൊലീസ്.
ഐ.എസ് മത നിഷിദ്ധമെന്നും മാനവ വിരുദ്ധമെന്നും എഴുതിയിട്ടുള്ള പോസ്റ്ററുകളാണ് കണ്ടെത്തിയതെന്ന് ജില്ലാ പൊലീസ് മേധാവി ആര്‍ വിശ്വനാഥ് പറഞ്ഞു.
ബാബ്‌രി മസ്ജിദ് വിഷയത്തിലെ പ്രതിഷേധവുമായി ബന്ധപ്പെട്ട നോട്ടീസും സിറാജ് നിസയുടെ മരണവാര്‍ഷികവുമായി ബന്ധപ്പെട്ട നോട്ടീസുമാണ് കണ്ടെത്തിയത്.
നേരത്തെ പാലക്കാട്ട് നിന്ന് ഐ.എസ് അനുകൂല പോസ്റ്ററുകള്‍ കണ്ടെടുത്തു എന്ന തരത്തിലായിരുന്നു ചില മാധ്യമങ്ങള്‍ വാര്‍ത്ത നല്‍കിയിരുന്നത്.
