പാലക്കാട്: ബി.ജെ.പി നേതൃത്വത്തിലുള്ള നഗരസഭാ ഭരണത്തിനെതിരെ അവിശ്വാസപ്രമേയം ഇന്ന് ചര്‍ച്ച ചെയ്യാനിരിക്കെ പാലക്കാട് നഗരസഭയിലെ കോണ്‍ഗ്രസ് അംഗം രാജിവെച്ചു. കോണ്‍ഗ്രസ് കൗണ്‍സിലര്‍ വി. ശരവണനാണ് അംഗത്വം രാജിവെച്ചത്.
ഇന്ന് രാവിലെയാണു രാജിക്കത്ത് സെക്രട്ടറിക്കു കൈമാറിയത്. ഇതോടെ അവിശ്വാസം പരാജയപ്പെടുമെന്ന് ഉറപ്പായി.
ALSO READ: വാഹനങ്ങള്‍ കയറ്റിവിടുന്നില്ല; എരുമേലിയില്‍ പ്രതിഷേധം
52 അംഗ നഗരസഭയില്‍ ബി.ജെ.പി 24, കോണ്‍ഗ്രസ് 13, മുസ്ലിം ലീഗ് 4, സി.പി.ഐ.എം 9, വെല്‍ഫെയര്‍ പാര്‍ട്ടി 1, സ്വതന്ത്രന്‍ 1 എന്നിങ്ങനെയാണ് കക്ഷിനില. അവിശ്വാസം പാസാകാന്‍ 27 അംഗങ്ങളുടെ പിന്തുണ വേണം.
യു.ഡി.എഫ് അവിശ്വാസത്തെ സി.പി.ഐ.എമ്മും വെല്‍ഫെയര്‍ പാര്‍ട്ടിയും പിന്തുണയ്ക്കുമെന്ന് അറിയിച്ചിരുന്നെങ്കിലും കോണ്‍ഗ്രസ് അംഗം രാജിവച്ചതോടെ 26 വോട്ടു മാത്രമേ ലഭിക്കൂ. ഈ സാഹചര്യത്തില്‍ അവിശ്വാസം പാസാകില്ല.
സംസ്ഥാനത്ത് ബി.ജെ.പി ഭരണത്തിലുള്ള ഏക നഗരസഭയാണ് പാലക്കാട്.
WATCH THIS VIDEO: