കര്‍ത്താപൂര്‍ ഗുരുദ്വാരക്ക് മുന്നില്‍ ശിരോവസ്ത്രമണിയാതെ ഫോട്ടോയ്ക്ക് പോസ് ചെയ്തു; പാക്കിസ്ഥാനി മോഡല്‍ വിവാദത്തില്‍
ഡൂള്‍ന്യൂസ് ഡെസ്‌ക്
Monday, 29th November 2021, 2:13 pm
ന്യൂദല്‍ഹി: കര്‍ത്താപൂര്‍ ഗുരുദ്വാര ദര്‍ബാര്‍ സാഹിബിന് മുന്നില്‍ ശിരോവസ്ത്രമണിയാതെ ഫോട്ടോയ്ക്ക് പോസ് ചെയ്ത പാക്കിസ്ഥാനി മോഡല്‍ വിവാദത്തില്‍.
പാക്കിസ്ഥാനില്‍ ‘മന്നത്ത്’ എന്ന ഓണ്‍ലൈന്‍ വസ്ത്രവ്യാപാര കേന്ദ്രം നടത്തുന്ന സ്ത്രീയാണ് ഗുരുദ്വാരയ്ക്ക് മുന്നില്‍ തിരിഞ്ഞ് നിന്ന് ഫോട്ടെയെടുത്തതിനെ തുടര്‍ന്ന് വിവാദത്തിലായത്. ഇവരുടെ ഫോട്ടോഷൂട്ട് സിഖ്മതവികാരം വ്രണപ്പെടുത്തി എന്നാണ് ഉയരുന്ന ആരോപണം.
ഗുരുദ്വാരയില്‍ നിന്ന് കൊണ്ട് ചിലര്‍ ടിക് ടോക്ക് വീഡിയോകള്‍ ചിത്രീകരിച്ചതിനെ തുടര്‍ന്ന് സിഖ് പ്രതിനിധി സംഘമായ ശിരോമണി ഗുരുദ്വാര പ്രഭാന്ധക് കമ്മിറ്റി ഗുരുദ്വാര കോപ്ലക്‌സിനുള്ളില്‍ വിനോദ വീഡിയോകള്‍ ചിത്രീകരിക്കുന്നത് തടഞ്ഞുകൊണ്ടുള്ള നോട്ടീസ് പതിപ്പിച്ചിരുന്നു.
