പാക്കിസ്ഥാന്‍: പ്രശസ്ത പാക്കിസ്ഥാനി സിനിമാ സംവിധായകനായ ജാമി എന്ന ജംഷദ് മഹ്മൂദ് മീ ടൂ ആരോപണവുമായി രംഗത്ത്. ഞായറാഴ്ച തന്റെ ട്വിറ്റര്‍ അക്കൗണ്ടിലൂടെയാണ് സംവിധായകന്‍ 13 വര്‍ഷം മുന്‍പ് താന്‍ ലൈംഗികാക്രമണത്തിനിരയായ കാര്യം തുറന്നുപറഞ്ഞത്. പ്രമുഖ മാധ്യമപ്രവര്‍ത്തകനാണ് തന്നെ ലൈംഗികമായി ആക്രമിച്ചതെന്ന് ജാമി ട്വീറ്റ് ചെയ്തു.
നിരവധി വ്യക്തികള്‍ മീ ടൂ ആരോപണവുമായി രംഗത്തുവന്ന സമയത്ത് ലൈംഗികാക്രമണം നേരിട്ടവര്‍ക്ക് പിന്തുണയര്‍പ്പിച്ച് ജാമിയും രംഗത്തുവന്നിരുന്നു. എന്തുകൊണ്ടാണ് താന്‍ 13 വര്‍ഷങ്ങള്‍ക്ക് ശേഷം ഇത് വെളിപ്പെടുത്തുന്നതെന്ന് സംവിധായകന്‍ ട്വിറ്ററിലൂടെ വ്യക്തമാക്കി. ജാമി പറയുന്നതിങ്ങനെ:
‘ഞാന്‍ മീ ടുവിനെ ശക്തമായി പിന്തുണക്കുന്നതെന്തുകൊണ്ടെന്നോ? സാധാരണയായി ഇത്തരം കേസുകളില്‍ നടക്കാറുള്ളത് എന്താണെന്ന് എനിക്കറിയാം. അക്രമിയാല്‍ ചൂഷണത്തിനിരയായ വ്യക്തി അതിന് ശേഷം കോടതിയ്ക്ക് പുറത്തും അകത്തും ചൂഷണത്തിനിരയാവും. ഒരുപാട് പേര് ഇത്തരം അനുഭവങ്ങള്‍ പുറത്തു പറയാത്തതും അതുകൊണ്ടാണ്.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
എന്നെ ലൈംഗികമായി ആക്രമിച്ച വ്യക്തി മാധ്യമ മേഖലയിലെ വമ്പനായിരുന്നു. അയാളേക്കാള്‍ പ്രശസ്തനാണ് ഞാന്‍. എന്നിട്ടും…. 13 വര്‍ഷം ഇയാള്‍ക്കെതിരെ രംഗത്തുവരാത്തതില്‍ എനിക്ക് ഖേദമുണ്ട്. ആദ്യമൊക്കെ അയാള്‍ എന്റെ നല്ലൊരു സുഹൃത്തായിരുന്നു’.
