ഫൈനലില്‍ പാകിസ്ഥാന് ഇന്ത്യയെ കിട്ടണം; മുന്‍ പ്രസ്താവനയില്‍ നിന്ന് യു ടേണടിച്ച് ഷൊയ്ബ് അക്തര്‍
സ്പോര്‍ട്സ് ഡെസ്‌ക്
Monday, 7th November 2022, 1:45 pm
ട്വന്റി 20 ലോകകപ്പ് ഫൈനലില്‍ ഇത്തവണ ഇന്ത്യയും പാകിസ്ഥാനും നേര്‍ക്കുനേര്‍ ഏറ്റുമുട്ടാന്‍ സാധ്യത തെളിഞ്ഞിരിക്കുകയാണ്. ഒരേ ഗ്രൂപ്പില്‍ നിന്നാണ് ഇരുടീമുകളും സെമി ഫൈനലിലെത്തിയത്. ഇന്ത്യ ഇംഗ്ലണ്ടിനെയും പാകിസ്ഥാന് ന്യൂസിലാന്‍ഡിനെയുമാണ് സെമിയില്‍ നേരിടുക. ഇംഗ്ലണ്ടിനെയും ന്യൂസിലാന്‍ഡിനെയും തോല്‍പ്പിച്ചാല്‍ ഇന്ത്യക്കും പകിസ്ഥാനും ഫൈനലില്‍ ഏറ്റുമുട്ടാം.
ഇതിനിടയില്‍ ഇന്ത്യയെ തങ്ങള്‍ക്ക് ഫൈനലില്‍ ലഭിക്കണമെന്ന് പറഞ്ഞിരിക്കുകയാണ് പാകിസ്ഥാന് മുന്‍ പേസര്‍ ഷൊയ്ബ് അക്തര്‍.
സെമി ഫൈനലിന് ശേഷം ഒരു വിമാനത്തില്‍ ഇന്ത്യയും മറ്റൊരു വിമാനത്തില്‍ പാകിസ്ഥാനും നാട്ടിലേക്ക് തിരികെ വരണമെന്നത് താന്‍ ആഗ്രഹിക്കുന്നില്ലെന്നും ഇന്ത്യയും പാകിസ്ഥാനും തമ്മിലുള്ള ഫൈനലാണ് കാണാന്‍ ആഗ്രഹിക്കുന്നതെന്നും ഷൊയ്ബ് അക്തര്‍ പറഞ്ഞു. തന്റെ യൂട്യൂബ് ചാനലിലൂടെയായിരുന്നു അക്തറിന്റെ പ്രതികരണം.
