ഇസ്‌ലാമാബാദ്: ഇസ്രഈല്‍ സന്ദര്‍ശിച്ച മാധ്യമപ്രവര്‍ത്തകനെതിരെ നടപടിയുമായി പാകിസ്ഥാന് ചാനല്‍. പാകിസ്ഥാന് സര്‍ക്കാരിന് കീഴില്‍ പ്രവര്‍ത്തിക്കുന്ന വാര്‍ത്താ ചാനലില്‍ നിന്നാണ് മാധ്യമപ്രവര്‍ത്തകന്‍ അഹ്മദ് ഖുറേഷിയെ പിരിച്ചുവിട്ടത്.
പാകിസ്ഥാന് ടെലിവിഷനില്‍ (PTV) നിന്നും അഹ്മദ് ഖുറേഷിയെ പിരിച്ചുവിട്ടതായി പാകിസ്ഥാനി ഫെഡറല്‍ ഇന്‍ഫര്‍മേഷന്‍ വിഭാഗം മന്ത്രി മറിയം ഔറംഗസേബ് തിങ്കളാഴ്ച വ്യക്തമാക്കി. പി.ടി.വിയുടെ കറസ്‌പോണ്ടന്റായായിരുന്നു അഹ്മദ് ഖുറേഷി പ്രവര്‍ത്തിച്ചു പോന്നത്.
ഇസ്രഈലുമായുള്ള ബന്ധം സംബന്ധിച്ച പാകിസ്ഥാന് പോളിസിയാണ് ഇത് വ്യക്തമാക്കുന്നതെന്നും മന്ത്രി മറിയം ഔറംഗസേബ് പറഞ്ഞു.
Persons indulging in cheap publicity should have thought of their national interests first & last
In lieu of unacceptable actions, Pakistan Television has terminated the contract of an individual who proceeded to travel to a specific country out of his own accord. @Marriyum_A pic.twitter.com/L7HvlVnE5o
— PTV World (@WorldPTV) May 30, 2022
അഹ്മദ് ഖുറേഷി ഇസ്രഈല്‍ സന്ദര്‍ശിച്ചത് അദ്ദേഹത്തിന്റെ വ്യക്തിപരമായ കാരണങ്ങളാലാണെന്നും അതിന് പാകിസ്ഥാന് സര്‍ക്കാരുമായോ സര്‍ക്കാരിന്റെ പോളിസികളുമായോ യാതൊരു ബന്ധവുമില്ലെന്നും മന്ത്രി കൂട്ടിച്ചേര്‍ത്തു.
തന്നെ പിരിച്ചുവിട്ട കാര്യം അഹ്മദ് ഖുറേഷിയും സ്ഥിരീകരിച്ചിട്ടുണ്ട്.
