ജോര്‍ജിയ: ആഴത്തിലുള്ള ബന്ധങ്ങള്‍ ഉപയോഗിച്ച് ഇസ്രാഈല്‍ മാധ്യമങ്ങളെ നിയന്ത്രിക്കുന്നുവെന്ന് പാക്കിസ്ഥാന്‍ വിദേശകാര്യ മന്ത്രി ഷാ മഹമൂദ് ഖുറേഷി. സി.എന്‍.എന്‍ അഭിമുഖത്തിനിടെയായിരുന്നു അദ്ദേഹത്തിന്റെ പ്രതികരണം. എന്നാല്‍ മന്ത്രി പറഞ്ഞത് ജൂതവിരുദ്ധ പരമാര്‍ശമാണെന്നായിരുന്നു അഭിമുഖം നിയന്ത്രിച്ച മാധ്യമപ്രവര്‍ത്തക ബിയന്ന ഗോലോഡ്രിഗയുടെ മറുപടി.
ഇസ്രാഇാല്‍- ഫലസ്തീന്‍ വിഷയത്തിലുള്ള ചര്‍ച്ചയില്‍ ഇസ്രാഈല്‍ മാധ്യമങ്ങളെ നിയന്ത്രിക്കുന്നു എന്ന് ഖുറേഷി പറഞ്ഞപ്പോള്‍ മനസ്സിലായില്ലാ എന്ന് അവതാരക ഗൊലോഡ്രിഗ തിരിച്ചു ചോദിക്കുകയായിരുന്നു. ഇതിനു മറുപടിയായി അവര്‍ക്ക് ‘ആഴത്തിലുള്ള പോക്കറ്റുകള്‍’ ഉണ്ടെന്ന് ഖുറേഷി മറുപടി പറഞ്ഞു. ഇതോടെ മന്ത്രിയുടെ ആരോപണം ജൂത വിരുദ്ധമാണെന്നായിരുന്നു അവതാരകയുടെ പ്രതികരണം.
‘ഇസ്രാഈലിന് വലിയ സ്വാധീനമുണ്ട്, മാധ്യമങ്ങളില്‍ അവര്‍ക്ക് ധാരാളം കവറേജ് ലഭിക്കുന്നു, ഗാസക്കെതിരായ ഇസ്രാഈലിന്റെ ആക്രമണം വംശീയ ഉന്മൂലനവും യുദ്ധക്കുറ്റവുമാണ്,’ ഷാ മഹമൂദ് ഖുറേഷി സി.എന്‍.എന്‍ അഭിമുഖത്തില്‍ പറഞ്ഞു.
OMG, this is a must-see: Discussing Israel’s actions in Gaza, Pakistani FM said Israel has “deep pockets” and “they control media,” prompting an impressive pushback from CNN’s @biannagolodryga 👇 pic.twitter.com/BuxqtsDpo1
— Noa Landau נעה לנדאו (@noa_landau) May 20, 2021
എന്നാല്‍ ഇസ്രാഈലും ഹമാസും തമ്മിലുള്ള സംഘര്‍ഷത്തെക്കുറിച്ചുള്ള ചര്‍ച്ചക്കിടെ പാക്ക്
വിദേശകാര്യമന്ത്രി യഹൂദ വിരുദ്ധ ആക്ഷേപം ഉന്നയിച്ചു എന്നായിരുന്നു അഭിമുഖത്തിന് ശേഷം അവതരക ഗൊലോഡ്രിഗ ട്വീറ്റ് ചെയ്തത്.
