ഇന്ത്യയും പാകിസ്ഥാനും തമ്മിലുള്ള പരമ്പരയെന്നത് ഏതൊരു ക്രിക്കറ്റ് ആരാധകന്റെയും സ്വപ്‌നമാണ്. എന്നാല്‍ ഐ.സി.സി ടൂര്‍ണമെന്റുകളില്‍ മാത്രമാണ് ഇരുവരും നേര്‍ക്കുനേര്‍ ഏറ്റുമുട്ടാറുള്ളത്. രാഷ്ട്രീയ-സൈനിക പ്രശ്‌നങ്ങളാണ് ഇരുവരും തമ്മിലുള്ള പരമ്പരകള്‍ക്ക് വിലങ്ങു തടിയാവാറുള്ളത്.
ഇപ്പോഴിതാ, ഇരുടീമുകളേയും ഉള്‍പ്പെടുത്തിയുളള തകര്‍പ്പന്‍ പരമ്പരയെ കുറിച്ച് ചര്‍ച്ചകള്‍ അണിയറയില്‍ ചൂടുപിടിക്കുകയാണ്. ഇവരോടൊപ്പം ക്രിക്കറ്റിലെ കരുത്തരായ ഇംഗ്ലണ്ടും ഓസ്ട്രേലിയയും ഉള്‍പ്പെടുന്ന പരമ്പരയാണ് അണിയറയില്‍ ഒരുങ്ങുന്നതെന്നാണ് റിപ്പോര്‍ട്ടുകള്‍.
പാക് ക്രിക്കറ്റ് ബോര്‍ഡാണ് ഇത്തരമൊരു ആശയത്തിന് പിന്നില്‍. പാക് ക്രിക്കറ്റ് ബോര്‍ഡ് ചെയര്‍മാന്‍ റമീസ് രാജയുടെ ട്വീറ്റാണ് ചര്‍ച്ചകള്‍ക്ക് വഴിയൊരുക്കിയിരിക്കുന്നത്.
Hello fans.Will propose to the ICC a Four Nations T20i Super Series involving Pak Ind Aus Eng to be played every year,to be hosted on rotation basis by these four. A separate revenue model with profits to be shared on percentage basis with all ICC members, think we have a winner.
— Ramiz Raja (@iramizraja) January 11, 2022
