ഒരു ടി-20 പോലും കളിക്കാത്തവന്‍ ടി-20 ലോകകപ്പ് സ്‌ക്വാഡില്‍; വമ്പന്‍ സര്‍പ്രൈസുമായി പാകിസ്ഥാന്‍
സ്പോര്‍ട്സ് ഡെസ്‌ക്
Thursday, 15th September 2022, 8:01 pm
അടുത്ത മാസം ഓസട്രേലിയയില്‍ നടക്കാനിരിക്കുന്ന ടി-20 ലോകകപ്പിലേക്കുള്ള 15 അംഗ സ്‌ക്വാഡിനെ പ്രഖ്യാപിച്ച് പാകിസ്ഥാന്‍ ക്രിക്കറ്റ് ബോര്‍ഡ്. ബാബര്‍ അസം നയിക്കുന്ന ടീമില്‍ ഷദാബ് ഖാന്‍ ആണ് വൈസ് ക്യാപ്റ്റന്‍ ഷഹീന്‍ അഫ്രിദിയും ഷാന്‍ മസൂദും തിരിച്ചു വരുന്നു എന്ന പ്രത്യേകത കൂടി സ്‌ക്വാഡിനുണ്ട്.
അന്താരാഷ്ട്ര തലത്തില്‍ ഒറ്റ ടി-20 മത്സരം പോലും കളിക്കാത്ത താരമാണ് ഷാന്‍ മസൂദ്. താരത്തെ ഉള്‍പ്പെടുത്തിയത് പാകിസ്ഥാന്‍ ഭാഗത്ത് നിന്നുള്ള ഒരു സര്‍പ്രൈസ് നീക്കമായിട്ടാണ് വിലയിരുത്തപ്പെടുന്നത്.
പരിക്ക് കാരണം ഏഷ്യാ കപ്പില്‍ നിന്ന് വിട്ടു നില്‍ക്കുകയായിരുന്ന ഷഹീന്‍ അഫ്രിദി ആറ് ആഴ്ചകള്‍ക്ക് ശേഷമാണ് കളത്തിലിറങ്ങുന്നത്. ഷഹീന്‍ അഫ്രീദി നയിക്കുന്ന ബൗളിങ് വിഭാഗത്തില്‍ നസീം ഷാ, ഹാരിസ് റൗഫ്, മുഹമ്മദ് ഹസ്‌നെയ്ന്‍ എന്നിവരുമുണ്ട്. ബൗളിങ് ലൈനപ്പിലാണ് പാകിസ്ഥാന്റെ പ്രതീക്ഷ.
