ഇന്റര്‍നെറ്റിനെ ഇളക്കിമറിച്ച ഗഗ്നം സ്റ്റൈല്‍ എന്ന ഗാനവും അതിന്റെ നൃത്തച്ചുവടുകളും ആരും മറന്നിട്ടുണ്ടാകില്ല. ദക്ഷിണകൊറിയക്കാരനായ പാര്‍ക്ക് ജെ-സാങ് എന്ന സൈ ഒരുക്കിയ ഈ ഗാനം 2012 ജൂലൈയിലാണ് പുറത്തിറങ്ങിയത്.
ഈ ഗാനത്തെ “പത്മാവതി”ലെ സൂപ്പര്‍ഹിറ്റ് ഗാനമായ ഖലിബലിയുടെ നൃത്തച്ചുവടുകളുമായി കൂട്ടിയിണക്കി റീമിക്‌സ് ചെയ്ത വീഡിയോ ഇപ്പോള്‍ ഇന്റര്‍നെറ്റില്‍ വൈറലായിരിക്കുകയാണ്. ഫേസ്ബുക്കില്‍ പ്രത്യക്ഷപ്പെട്ട വീഡിയോ പിന്നീട് ട്വിറ്ററുള്‍പ്പെടെയുള്ള സമൂഹമാധ്യമങ്ങളിലും പ്രചരിക്കുന്നു.
“പത്മാവതി”ല്‍ അലാവുദ്ദീന്‍ ഖില്‍ജിയായി എത്തിയ രണ്‍വീര്‍ സിങ് ഉള്‍പ്പെടെ റീമിക്‌സ് വീഡിയോ ഷെയര്‍ ചെയ്തിട്ടുണ്ട്. ഖലിബലി എന്ന ഗാനത്തിലെ രണ്‍വീറിന്റെ നൃത്തച്ചുവടുകള്‍ ഏറെ ശ്രദ്ധേയമായിരുന്നു.
രണ്‍വീറിന്റേയും സംഘത്തിന്റേയും മാസ്മരിക നൃത്തച്ചുവടുകള്‍ സിരകളില്‍ ആവേശം നിറയ്ക്കുന്നതാണെങ്കിലും വൈകിയാണ് ഇതിന്റെ വീഡിയോ പുറത്തുവന്നത്. പുറത്തുവന്ന ഉടനെ ഈ ഗാനം യൂട്യൂബിലെ ട്രെന്റിങ് ലിസ്റ്റില്‍ ഒന്നാമതെത്തിയിരുന്നു. രണ്‍വീര്‍ അലാവുദ്ദീന്‍ ഖില്‍ജിയായി “അഴിഞ്ഞാടിയ” ഗാനത്തിന്റെ വീഡിയോ യൂട്യൂബിലൂടെ പുറത്തു വിട്ടത് ടി-സീരീസാണ്. ചിത്രത്തിന്റെ സംവിധായകനായ സഞ്ജയ് ലീല ബന്‍സാലി തന്നെയാണ് ഗാനത്തിന് സംഗീതം നല്‍കിയത്. ശിവം പതക്, ഷൈല്‍ ഹദ എന്നിവര്‍ ആലപിച്ച ഗാനം രചിച്ചത് എ.എം തുരാസാണ്.
വൈറല്‍ റീമിക്‌സ് ഇവിടെ കാണാം:
രണ്‍വീറിന്റെ ട്വീറ്റ്: