അഴിക്കുള്ളില്‍ തിരിച്ചടി നേരിട്ട് കുര്യച്ചന്‍; പാല്‍വര്‍ണക്കുതിരമേല്‍ വീഡിയോ ഗാനം
എന്റര്‍ടെയിന്‍മെന്റ് ഡെസ്‌ക്
Thursday, 21st July 2022, 4:37 pm
ഒരു ഇടവേളക്ക് ശേഷം മലയാളത്തില്‍ എത്തിയ മാസ് ആക്ഷന്‍ ചിത്രമാണ് കടുവ. ഷാജി കൈലാസിന്റെ സംവിധാനത്തില്‍ പൃഥ്വിരാജ് നായകനായ ചിത്രം ഇപ്പോഴും വിജയകരമായി പ്രദര്‍ശനം തുടരുകയാണ്.
ചിത്രത്തിലെ പാല്‍വര്‍ണക്കുതിരമേല്‍ ഇരുന്നൊരുത്തന്‍ എന്ന ഗാനം ഇപ്പോള്‍ പുറത്ത് വിട്ടിരിക്കുകയാണ്. മാജിക് ഫ്രെയിംസ് യൂട്യൂബ് ചാനലിലൂടെയാണ് ഗാനം പുറത്ത് വിട്ടിരിക്കുന്നത്. ജയിലില്‍ കിടക്കുന്ന കുര്യച്ചന്‍ നേരിടുന്ന തിരിച്ചടികളാണ് ഗാനരംഗങ്ങളിലുള്ളത്.
ജേക്‌സ് ബിജോയ്, ലിബിന്‍ സ്‌കറിയ, മിഥുന്‍ സുരേഷ്, ശ്വേത അശോക് എന്നിവര്‍ ചേര്‍ന്ന് പാടിയിരിക്കുന്ന ഗാനത്തിന്റെ സംഗീതം നിര്‍വഹിച്ചിരിക്കുന്നത് ജേക്‌സ് ബിജോയ് തന്നെയാണ്.
