ചെറിയാന്‍ ഫിലിപ്പിന് നല്‍കാനിരുന്ന ഖാദി ബോര്‍ഡ് വൈസ് ചെയര്‍മാന്‍ സ്ഥാനം പി. ജയരാജന്; ശ്രീരാമകൃഷ്ണന്‍ നോര്‍ക്കയില്‍
ഡൂള്‍ന്യൂസ് ഡെസ്‌ക്
Thursday, 11th November 2021, 11:08 pm
തിരുവനന്തപുരം: സി.പി.ഐ.എം സംസ്ഥാന കമ്മിറ്റി അംഗം പി.ജയരാജനെ ഖാദി ബോര്‍ഡ് വൈസ് ചെയര്‍മാനാക്കാന്‍ പാര്‍ട്ടി തീരുമാനം. മുന്‍ സ്പീക്കര്‍ പി.ശ്രീരാമകൃഷ്ണനെ നോര്‍ക്ക വൈസ് ചെയര്‍മാനാക്കാനും ശോഭന ജോര്‍ജിനെ ഔഷധി ചെയര്‍പഴ്‌സണാക്കാനും സി.പി.ഐ.എം സംസ്ഥാന സെക്രട്ടറിയറ്റില്‍ തീരുമാനമായി.
സി.പി.ഐ.എം വിട്ടു കോണ്‍ഗ്രസിലേക്കു മടങ്ങിയ ചെറിയാന്‍ ഫിലിപ്പിനെയാണ് ഖാദി ബോര്‍ഡിലേക്ക് ആദ്യം പരിഗണിച്ചിരുന്നത്. ന്യൂനപക്ഷ വികസന ധനകാര്യ കോര്‍പ്പറേഷന്‍ ചെയര്‍മാന്‍ സ്ഥാനം കേരള കോണ്‍ഗ്രസ് എമ്മിന് നേരത്തെ നല്‍കിയിരുന്നു.
