ചെന്നൈ: തമിഴ്‌നാട്ടില്‍ ഓക്സിജന് കിട്ടാതെ 11 കൊവിഡ് രോഗികള്‍ മരിച്ചതായി റിപ്പോര്‍ട്ട്. ചെങ്കല്‍പേട്ട് സര്‍ക്കാര്‍ ആശുപത്രിയില്‍ ചികിത്സയില്‍ കഴിഞ്ഞിരുന്ന രോഗികളാണ് മരിച്ചത്.
രോഗികള്‍ക്ക് രണ്ടുമണിക്കൂറോളം ഓക്സിജന് കിട്ടാത്ത സാഹചര്യം ഉണ്ടായതായി ബന്ധുക്കള്‍ ആരോപിച്ചു.
രാജ്യത്ത് ഓക്സിജന് ക്ഷാമം മൂലം നിരവധി പേര്‍ മരിച്ചിട്ടുണ്ട്. ഓക്സിജന് ക്ഷാമം മൂലം ദല്‍ഹിയില്‍ ഉള്‍പ്പെടെയുള്ള സ്ഥലങ്ങളിലെ ആശുപത്രികളില്‍ രോഗികളെ പ്രവേശിപ്പിക്കുന്നത് നിര്‍ത്തിവെച്ചിരുന്നു.
അതേസമയം, ഓക്സിജന് ലഭിക്കാത്തതുകൊണ്ട് മാത്രം ആശുപത്രികളില്‍ കൊവിഡ് രോഗികള്‍ മരിച്ചുപോകുന്നത് ക്രിമിനല്‍ ആക്ടാണെന്ന് അലഹബാദ് ഹൈക്കോടതി പറഞ്ഞിരുന്നു. കൂട്ടക്കൊലയില്‍ കുറഞ്ഞതൊന്നുമല്ല നടക്കുന്നതെന്നും കോടതി പറഞ്ഞു.
