സി.എ.എയ്‌ക്കെതിരെ സ്‌കൂളില്‍ നാടകം; രാജ്യദ്രോഹക്കുറ്റം ചുമത്തി കര്‍ണാടക പൊലീസ് അറസ്റ്റ് ചെയ്ത ഹെഡ്മിസ്ട്രസിനേയും വിദ്യാര്‍ത്ഥിയുടെ ഉമ്മയേയും ജയിലിലെത്തി സന്ദര്‍ശിച്ച് ഒവൈസി
ഡൂള്‍ന്യൂസ് ഡെസ്‌ക്
Sunday, 2nd February 2020, 12:42 pm
ബെംഗളൂരു: പൗരത്വ നിയമത്തിനെതിരെ സ്‌കൂളില്‍ നാടകം കളിച്ചതിന് കര്‍ണാടക പൊലീസ് രാജ്യദ്രോഹക്കുറ്റം ചുമത്തി അറസ്റ്റ് ചെയ്ത ഹെഡ്മിസ്ട്രസിനേയും ആറാം ക്ലാസ് വിദ്യാര്‍ത്ഥിയുടെ ഉമ്മയേയും ജയിലിലെത്തി കണ്ട് എ.ഐ.എം.ഐ.എം അധ്യക്ഷന്‍ അസദുദ്ദീന്‍ ഒവൈസി. കര്‍ണാടകയിലെ ബിദാറിലുള്ള സ്‌കൂള്‍ ഹെഡ്മിസ്ട്രസ് ഫരീദാബീഗത്തേയും വിദ്യാര്‍ത്ഥിയുടെ ഉമ്മ നജമുന്നീസയേയുമാണ് ഒവൈസി ജയിലിലെത്തി കണ്ട് തന്റെ പിന്തുണ അറിയിച്ചത്.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
ജനുവരി 21 നാണ് ഇരുവരേയും പൗരത്വ നിയമത്തിനെതിരേയും എന്‍.ആര്‍.സിയ്‌ക്കെതിരേയും നാടകം കളിച്ചുവെന്നതിന്റെ പേരില്‍ രാജ്യദ്രോഹക്കുറ്റം ചുമത്തി അറസ്റ്റ് ചെയ്യുന്നത്. പിന്നീട് ഇവരെ ജുഡീഷ്യല്‍ കസ്റ്റഡിയില്‍ വിടുകയായിരുന്നു.
