ഇന്ത്യയെ ചേര്‍ത്തുനിര്‍ത്തി ലോക രാജ്യങ്ങള്‍; 40 ല്‍ അധികം രാജ്യങ്ങളില്‍ നിന്ന് സഹായവാഗ്ദാനം
ഡൂള്‍ന്യൂസ് ഡെസ്‌ക്
Thursday, 29th April 2021, 4:05 pm
ന്യൂദല്‍ഹി: കൊവിഡ് പ്രതിസന്ധിയില്‍ ഇന്ത്യയെ കൈവിടാതെ ലോക രാഷ്ട്രങ്ങള്‍. 40 ല്‍ അധികം രാജ്യങ്ങള്‍ ഇന്ത്യയെ സാഹായിക്കാന്‍ മുന്നോട്ടുവന്നതായാണ് റിപ്പോര്‍ട്ട്.
കൊവിഡ് പ്രതിസന്ധി നേരിടാന്‍ വിദേശത്ത് നിന്ന് 550 ഓക്സിജന് ഉത്പാദിപ്പിക്കുന്ന പ്ലാന്റുകളും 4,000 ഓക്സിജന് കോണ്‍സെന്‍ട്രേറ്ററുകളും 10,000 ഓക്സിജന് സിലിണ്ടറുകളും ലഭിക്കാന്‍ ഇന്ത്യ ശ്രമിക്കുന്നതായി വിദേശകാര്യ സെക്രട്ടറി ഹര്‍ഷ് വര്‍ധന്‍ അറിയിച്ചു.
400,000 യൂണിറ്റ് റെംഡെസിവിര്‍ മരുന്ന് ഈജിപ്തില്‍ നിന്ന് വാങ്ങാന്‍ ഇന്ത്യ ശ്രമിക്കുന്നുണ്ടെന്നും അത് ലഭിക്കാനുള്ള ശ്രമങ്ങള്‍ നടത്തുകയാണെന്നും അദ്ദേഹം കൂട്ടിച്ചേര്‍ത്തു.
