യു.പിയിലെ രാംപൂരില്‍ എത്തിച്ച 300 ലേറെ വോട്ടിങ് മെഷീനുകള്‍ പ്രവര്‍ത്തിക്കുന്നില്ല; പരാതിപ്പെടുന്നവരെ പൊലീസ് ഭീഷണിപ്പെടുത്തു: അസം ഖാന്റെ മകന്‍
ഡൂള്‍ന്യൂസ് ഡെസ്‌ക്
Tuesday, 23rd April 2019, 1:04 pm
ലഖ്‌നൗ: ലോക്‌സഭാ തെരഞ്ഞെടുപ്പിനായി രാംപൂരില്‍ എത്തിച്ച 300 ലേറെ ഇ.വി.എമ്മുകള്‍ പ്രവര്‍ത്തിക്കുന്നില്ലെന്ന് സമാജ് വാദി പാര്‍ട്ടി നേതാവ് അസം ഖാന്റെ മകന്‍ അബ്ദുള്ള അസം ഖാന്‍.
” തെരഞ്ഞെടുപ്പിനായി എത്തിച്ച 300 ലേറെ വോട്ടിങ് മെഷീനുകള്‍ ഇവിടെ പ്രവര്‍ത്തിക്കുന്നില്ല. ജില്ലാ മജിസ്‌ട്രേറ്റ് നടപടിയെടുത്തേ തീരൂ. പരാതിപ്പെടുന്നവരെ പൊലീസ് ഭീഷണിപ്പെടുത്തുകയാണ്. അവരുടെ വീടുകളിലും മറ്റും ചെന്നാണ് ഭീഷണിപ്പെടുത്തുന്നത്. ഞങ്ങള്‍ റൈഫിളുകള്‍ തയ്യാറാക്കിവെക്കുന്നുണ്ടെല്ലാം പറഞ്ഞാണ് ഭീഷണി. ഇങ്ങനെയാണെങ്കില്‍ വോട്ടര്‍മാര്‍ ബൂത്തിലെത്തി സമ്മതിദാന അവകാശം വിനിയോഗിക്കുമെന്ന് തോന്നുന്നില്ല- അബ്ദുള്ള അസം ഖാന്‍ പറഞ്ഞു.
