കുട്ടികള്‍ക്കിടയിലെ പകര്‍ച്ചപ്പനി പടരുന്നു; ബംഗാള്‍ സര്‍ക്കാരിന് ഉപതെരഞ്ഞെടുപ്പാണ് പ്രധാനമെന്ന് സുവേന്ദു അധികാരി
ഡൂള്‍ന്യൂസ് ഡെസ്‌ക്
Friday, 17th September 2021, 1:52 pm
കൊല്‍ക്കത്ത: ബംഗാളില്‍ കുട്ടികള്‍ക്കിടയില്‍ പകര്‍ച്ചപനി പടരുമ്പോഴും സര്‍ക്കാരിന് ഉപതെരഞ്ഞെടുപ്പാണ് പ്രധാനമെന്ന് പശ്ചിമ ബംഗാള്‍ പ്രതിപക്ഷ നേതാവ് സുവേന്ദു അധികാരി.
ബംഗാളിലേക്ക് ഉടനെ കേന്ദ്രം ആരോഗ്യമന്ത്രാലയം ഉദ്യോഗസ്ഥരെ അയക്കണമെന്നും സുവേന്ദു അധികാരി ആവശ്യപ്പെട്ടു. ഭബാനിപ്പൂരിലെ നിയമസഭാ ഉപതെരഞ്ഞെടുപ്പുമായി ബന്ധപ്പെട്ട് ഉദ്യോഗസ്ഥര്‍ മുഴുകിയിരിക്കുന്നതിലാണ് ഈ അനാസ്ഥ തുടരുന്നതെന്ന് സുവേന്ദു ആരോപിച്ചു.
‘ബംഗാള്‍ സര്‍ക്കാര്‍ ഇപ്പോള്‍ മുന്‍ഗണന നല്‍ക്കുന്നത് ഭബാനിപ്പുര്‍ ഉപതെരഞ്ഞെടുപ്പാണ്. ബംഗാള്‍ അരോഗ്യ വകുപ്പിനെ സഹായിക്കാന്‍ ഉടന്‍ തന്നെ വിദഗ്ദ്ധ സമിതിയെ കേന്ദ്രത്തോട് അവശ്യപ്പെടും’ എന്ന് സുവേന്ദു പറഞ്ഞു.
