നമ്മുടെ സൈനികര്‍ കൊല്ലപ്പെടുമ്പോള്‍, നിങ്ങള്‍ ടി-20 കളിക്കുമോ? മോദിയും അമിത് ഷായും എന്തുനോക്കിയിരിക്കുകയാണെന്ന് ഉവൈസി
ഡൂള്‍ന്യൂസ് ഡെസ്‌ക്
Tuesday, 19th October 2021, 12:15 pm
തെലങ്കാന: പ്രധാനമന്ത്രി നരേന്ദ്ര മോദിക്കെതിരെ രൂക്ഷ വിമര്‍ശനവുമായി എ.ഐ.എം.ഐ.എം അധ്യക്ഷന്‍ അസദുദ്ദിന്‍ ഉവൈസി.
പ്രധാനപ്പെട്ട രണ്ട് വിഷയങ്ങളില്‍ ഇപ്പോഴും പ്രധാനമന്ത്രി മൗനം തുടരുകയാണെന്ന്
അദ്ദേഹം വിമര്‍ശിച്ചു.
” മോദി രണ്ട് കാര്യങ്ങളെക്കുറിച്ച് ഇതുവരെ സംസാരിച്ചിട്ടില്ല. പെട്രോള്‍, ഡീസല്‍ വര്‍ധനവിനെക്കുറിച്ചും ലഡാക്കിലെ നമ്മുടെ പ്രദേശത്ത് ചൈന ഇരിക്കുന്നതിനെക്കുറിച്ചും,” ഉവൈസി ചൂണ്ടിക്കാട്ടി.
ജമ്മുകശ്മീരില്‍ ഭീകരര്‍ക്കെതിരെ നടത്തിയ വിവിധ ആക്രമണത്തില്‍ സൈനികര്‍ കൊല്ലപ്പെട്ടതിനെക്കുറിച്ചും ഉവൈസി പരാമര്‍ശിച്ചു.
” നമ്മുടെ സൈനികര്‍ കൊല്ലപ്പെടുന്നു. നിങ്ങള്‍ ടി20 കളിക്കുമോ? ഇന്ത്യക്കാരുടെ ജീവന്‍ വെച്ച് പാകിസ്ഥാന്‍ എല്ലാ ദിവസവും കശ്മീരില്‍ ട്വന്റി-ട്വന്റി കളിക്കുകയാണ്,” അദ്ദേഹം പറഞ്ഞു.
