ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
മുംബൈ: വീണ്ടുമൊരു താര കല്ല്യാണത്തിന് ബോളിവുഡില്‍ അരങ്ങൊരുങ്ങുകയാണ്. വിക്കി കൗശലും കത്രീന കൈഫും തമ്മിലുള്ള വിവാഹത്തിനാണ് അരങ്ങൊരുങ്ങുന്നത്.
കര്‍ശന നിയന്ത്രണങ്ങളാണ് കല്ല്യാണത്തിന് എത്തുന്ന സന്ദര്‍ശകര്‍ക്ക് ഏര്‍പ്പെടുത്തിയിരിക്കുന്നത്. കല്ല്യാണത്തിന് എത്തുന്നവര്‍ക്ക് വിവാഹ സ്ഥലത്തേക്ക് എത്തുന്നതിന് രഹസ്യകോഡ് ഏര്‍പ്പെടുത്തിയിട്ടുണ്ട്.
മൊബൈല്‍ ഫോണ്‍ ഉപയോഗിക്കരുതെന്നും കര്‍ശന നിര്‍ദ്ദേശമുണ്ട്. ഇപ്പോളിതാ കല്ല്യാണ വീഡിയോ ഷൂട്ട് ചെയ്ത് സ്ട്രീം ചെയ്യുന്നതിന് റെക്കോര്‍ഡ് തുക ഓഫര്‍ കത്രീനയ്ക്കും വിക്കിക്കും ഓഫര്‍ ചെയ്തിരിക്കുകയാണ് ഒരു ഒ.ടി.ടി പ്ലാറ്റ്‌ഫോം.
ഹോളിവുഡില്‍ താര കല്ല്യാണങ്ങള്‍ക്ക് സ്ഥിരമായ വീഡിയോ സ്ട്രീമിംഗ് ഇന്ത്യയിലും ആരംഭിക്കാനാണ് ഒ.ടി.ടി പ്ലാറ്റ്‌ഫോമിന്റെ ഉദ്ദേശമെന്ന് പിങ്ക് വില്ല റിപ്പോര്‍ട്ട് ചെയ്യുന്നു.
ജയ്പൂരിലെ ഫോര്‍ട്ട് ബാര്‍വാരയിലെ സിക്സ് സെന്‍സസ് ഫോര്‍ട്ട് റിസോര്‍ട്ടില്‍ വെച്ചാണ് വിവാഹം. ഈ വിവാഹം ഷൂട്ട് ചെയ്ത് സ്ട്രീം ചെയ്യുന്നതിന് 100 കോടി രൂപ വാഗ്ദാനം ചെയ്‌തെന്നാണ് റിപ്പോര്‍ട്ട്.
ഇരുവരും സമ്മതം അറിയിച്ചാല്‍ വിവാഹ ചടങ്ങുകളുടെ മുഴുവന്‍ ചിത്രീകരണവും എഡിറ്റിങ്ങും അടക്കം സ്ട്രീമിങ് കമ്പനി ഏറ്റെടുക്കും.
സല്‍മാന്‍ ഖാന്റെ ബോഡിഗാര്‍ഡ് ഗുര്‍മീത് സിംഗിന്റെ നേതൃത്വത്തിലുള്ള സംഘമാണ് കല്ല്യാണത്തിന്റെ സുരക്ഷാ ചുമതല നോക്കുന്നത്.
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം
OTT platform with Rs 100 crore offer to stream Katrina-Vicky wedding video