'ഒ.ടി.ടി റിലീസ് പൂജാമുറി പോലെയാണ്, തിയേറ്റര്‍ ആണ് അമ്പലം; സന്താനം
എന്റര്‍ടെയിന്‍മെന്റ് ഡെസ്‌ക്
Sunday, 15th November 2020, 11:35 pm
ചെന്നൈ: കൊവിഡ് ഭീഷണി ലോകം മുഴുവന്‍ വെല്ലുവിളി ഉയര്‍ത്തിയതോടെയാണ് സാമൂഹിക അകലം പാലിച്ച് ആള്‍കൂട്ടത്തെ ഒഴിവാക്കുന്നത് ആരംഭിച്ചത്. സിനിമാ പ്രേമികളെ സംബന്ധിച്ചിടത്തോളം ഇത് വലിയ ഒരു അടിയായിരുന്നു.
ഇതിനെ തുടര്‍ന്ന് നിരവധി സിനിമകളാണ് ഒ.ടി.ടി പ്ലാറ്റ് ഫോമുകളിലൂടെ ആളുകളിലേക്ക് എത്തിയത്. ഇപ്പോഴിതാ ഒ.ടി.ടി റിലീസിനെ കുറിച്ചും തിയേറ്റര്‍ റിലീസിനെ കുറിച്ചും മനസ് തുറന്നിരിക്കുകയാണ് തമിഴ് നടന്‍ സന്താനം.
ഒ.ടി.ടി റീലീസ് പൂജാമുറി പോലെയാണെന്നും തിയേറ്ററുകളാണ് അമ്പലമെന്നുമായിരുന്നു സന്താനത്തിന്റെ പ്രതികരണം. സന്താനം നായകനാവുന്ന പുതിയ ചിത്രം ബിസ്‌കോത്ത് തിയേറ്ററില്‍ കണ്ടിറങ്ങിയ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
