മികച്ച സിനിമ, സംവിധായിക, നടി, ഓസ്‌കറില്‍ മൂന്ന് പുരസ്‌കാരങ്ങളുമായി നൊമാഡ്ലാന്റ്; മികച്ച നടന്‍ ആന്റണി ഹോപ്കിന്‍സ്
എന്റര്‍ടെയിന്‍മെന്റ് ഡെസ്‌ക്
Monday, 26th April 2021, 9:03 am
ലൊസാഞ്ചലസ്: കഴിഞ്ഞ ഒരുവര്‍ഷത്തെ ചിത്രങ്ങളിലെ മികവിനുള്ള ഓസ്‌കര്‍ പുരസ്‌കാരങ്ങള്‍ പ്രഖ്യാപിച്ചു. മികച്ച സിനിമയായി നൊമാഡ് ലാന്റ് തെരഞ്ഞെടുക്കപ്പെട്ടു. ഏഷ്യന്‍ വംശജയായ ക്ലോയി ഷാവോ സംവിധാനം ചെയ്ത ചിത്രമാണ് നൊമാഡ് ലാന്റ്.
മികച്ച സംവിധായകക്കുള്ള പുരസ്‌കാരവും ക്ലോയി ഷാവോക്കാണ്. ഈ വിഭാഗത്തില്‍ ഏഷ്യന്‍ വംശജക്ക് ലഭിക്കുന്ന ആദ്യ പുരസ്‌കാരമാണിത്. നൊമാഡ് ലാന്റിലെ പ്രകടനത്തിന് ഫ്രാന്‍സിസ് മര്‍കോമണ്ടിനാണ് മികച്ച നടിക്കുള്ള പുരസ്‌കാരം.
