ഡൂള്‍ന്യൂസ് ഡെസ്‌ക്8 min
ഖത്തര്‍ ലോകകപ്പില്‍ വലിയ വിമര്‍ശനങ്ങള്‍ക്ക് വഴിയൊരുക്കിയ വിഷയമായിരുന്നു റഫറിമാരുടെ പെരുമാറ്റം. റഫറിമാരില്‍ പലരും ഏകപക്ഷീയ തീരുമാനങ്ങളെടുത്തത് ടീമുകള്‍ക്ക് തിരിച്ചടിയായി എന്നാരോപിച്ച് ഫിഫക്കെതിരെ പരാതികള്‍ ഉയര്‍ന്നിരുന്നു.
അര്‍ജന്റീന-നെതര്‍ലന്‍ഡ്‌സ് മത്സര ശേഷമാണ് വിമര്‍ശനങ്ങള്‍ ശക്തമായത്. റഫറി മതേഹു ലാഹോസ് 18 മഞ്ഞ കാര്‍ഡുകളാണ് മത്സരത്തിനിടെ പുറത്തെടുത്തത്.
After the statement of Messi against Mateo Lahoz, Officially Lahoz returns to Spain and will no longer referee at the FIFA World Cup.❌
THE POWER OF MESSI SPEECH.🔥 pic.twitter.com/tvi0zV5k7D
— 𝐍𝐢𝐚𝐳𝐢 (@Qurbank03220936) December 12, 2022
ക്വാര്‍ട്ടര്‍ ഫൈനല്‍ മത്സരത്തിനിടെ ലയണല്‍ മെസിക്ക് ഉള്‍പ്പെടെ ഇരു ടീമിലെയും 15 താരങ്ങള്‍ക്ക് നേരെയാണ് ലാഹോസ് മഞ്ഞ കാര്‍ഡുയര്‍ത്തിയത്. മത്സരശേഷം റഫറിക്കെതിരെ അര്‍ജന്റീന-നെതര്‍ലന്‍ഡ്‌സ് ടീമുകളിലെ താരങ്ങള്‍ രംഗത്തെത്തിയിരുന്നു.
ഇപ്പോള്‍ പരാതികള്‍ക്ക് പരിഹാരവുമായി എത്തിയിരിക്കുകയാണ് ഫിഫ. ലാഹോസിനെ ഫിഫ നാട്ടിലേക്ക് തിരിച്ചയച്ചുവെന്നാണ് റിപ്പോര്‍ട്ടുകളില്‍ പറയുന്നത്.
മാത്രമല്ല ഈ ലോകകപ്പിലെ തന്നെ ഏറ്റവും മികച്ച റഫറിമാരില്‍ ഒരാളായ ഡാനിയേല ഓര്‍സാറ്റ് ആകും അര്‍ജന്റീന-ക്രൊയേഷ്യ സെമി നിയന്ത്രിക്കാനെത്തുക. ഇറ്റാലിയന്‍ ലീഗിലെ ഏറ്റവും മികച്ച റഫറിമാറില്‍ ഒരാളാണ് ഓര്‍സാറ്റ്.
The Italian Daniele Orsato will be the main referee of Argentina vs Croatia. ⚠️🇮🇹 pic.twitter.com/yLSg7pKe6U
— All About Argentina 🛎🇦🇷 (@AlbicelesteTalk) December 11, 2022
2018ലാണ് ഓര്‍സാറ്റ് ആദ്യമായി ലോകകപ്പ് മത്സരം നിയന്ത്രിക്കാനിറങ്ങുന്നത്. ഡെന്‍മാര്‍ക്ക്-ക്രൊയേഷ്യ പോരാട്ടത്തില്‍ വീഡിയോ റഫറിയായിട്ടായിരുന്നു അരങ്ങേറ്റം.
ഈ ലോകകപ്പിലെ ഖത്തര്‍-ഇക്വഡോര്‍ ഉദ്ഘാടന മത്സരം നിയന്ത്രിച്ചത് ഇദ്ദേഹമായിരുന്നു. ഫൈനല്‍ മത്സരം നിയന്ത്രിക്കാനുള്ള റഫറിമാരുടെ പാനലിലും ഒര്‍സാറ്റിന്റെ പേരിനാണ് മുന്‍തൂക്കം.
Daniele Orsato es el árbitro de Argentina – Croacia por las semifinales de la Copa del Mundo. pic.twitter.com/VFsNk3D2DB
— Gastón Edul (@gastonedul) December 11, 2022
യൂറോ കപ്പ് ഫൈനല്‍, ചാമ്പ്യന്‍സ് ലീഗ് ഫൈനല്‍ തുടങ്ങിയ പ്രധാന ടൂര്‍ണമെന്റുകള്‍ നിയന്ത്രിച്ച പരിചയവും 46 കാരനായ ഒര്‍സാറ്റിനുണ്ട്.
Content Highlights: Orsato to officiate Argentina v Croatia World Cup semi-final
