ബി.ജെ.പിക്കാര്‍ ആട്ടിന്‍തോലണിഞ്ഞ ചെന്നായ്ക്കള്‍, കേരളത്തിലെ ക്രൈസ്തവര്‍ക്ക് ബുദ്ധിയുണ്ട്: വി.ഡി. സതീശന്‍
ഡൂള്‍ന്യൂസ് ഡെസ്‌ക്
Sunday, 31st December 2023, 3:06 pm
കൊച്ചി: ബി.ജെ.പി ആട്ടിന്‍തോലിട്ട ചെന്നായ്ക്കളാണെന്ന് പ്രതിപക്ഷ നേതാവ് വി.ഡി. സതീശന്‍. രാജ്യമാകമാനം ക്രൈസ്തവര്‍ക്കെതിരെ ബി.ജെ.പി ആക്രമണം നടത്തുകയാണെന്നും അത് തിരിച്ചറിയാനുള്ള ബുദ്ധി കേരളത്തിലെ ക്രൈസ്തവര്‍ക്കുണ്ടെന്നും സതീശന്‍ പറഞ്ഞു. ഫാ. ഷൈജു കുര്യന്‍ ബി.ജെ.പി അംഗത്വം സ്വീകരിച്ചതിനെ കുറിച്ച് മാധ്യമങ്ങളോട് പ്രതികരിക്കുകയായിരുന്നു അദ്ദേഹം.
‘ബി.ജെ.പി ആട്ടിന്‍തോലിട്ട ചെന്നായ്ക്കളാണ്. ഈ വര്‍ഷം 684 ആക്രമണങ്ങളാണ് ക്രൈസ്തവ സമൂഹത്തിന് നേരെ നടന്നത്. 250ല്‍ പരം ക്രൈസ്തവ ദേവാലയങ്ങളാണ് മണിപ്പൂരില്‍ കത്തിച്ചത്. നൂറുകണക്കിന് ആളുകള്‍ കൊലചെയ്യപ്പെട്ടു. വംശഹത്യ നടന്നു. അവിടെയൊന്നും അവരെ പ്രധാനമന്ത്രിയോ ആഭ്യന്തര മന്ത്രിയോ സംരക്ഷിക്കാനുണ്ടായിരുന്നില്ല.
