തിയേറ്ററില്‍ ബോംബിട്ടോ നോളന്‍; ഓപ്പണ്‍ഹെയ്മര്‍ പ്രേക്ഷക പ്രതികരണം
എന്റര്‍ടെയിന്‍മെന്റ് ഡെസ്‌ക്
Friday, 21st July 2023, 12:37 pm
ക്രിസ്റ്റഫര്‍ നോളന്‍ ചിത്രം ഓപ്പണ്‍ഹെയ്മര്‍ തിയേറ്ററുകളെത്തിയിരിക്കുകയാണ്. ലോകമാകെയുള്ള സിനിമാ പ്രേമികള്‍ ആകാംക്ഷയോടെ കാത്തിരുന്ന ചിത്രം ആറ്റം ബോംബിന്റെ പിതാവായ ഓപ്പണ്‍ഹെയ്മറുടെ ബയോപികാണ്.
ആദ്യദിനം തന്നെ മികച്ച പ്രതികരണമാണ് ചിത്രത്തിന് ലഭിക്കുന്നത്. ചിത്രം നോളന്റെ മാസ്റ്റര്‍ പീസാണെന്ന് പ്രേക്ഷകര്‍ പറയുന്നു. കൊമേഴ്‌സ്യല്‍ സാധ്യതകള്‍ കുറച്ച് ബയോപികെന്ന നിലയില്‍ ഒരു ക്ലാസ് ചിത്രമാണ് നോളന്‍ ചെയ്തിരിക്കുന്നതെന്നും സോഷ്യല്‍ മീഡിയയില്‍ പ്രേക്ഷകര്‍ കുറിച്ചു.
