മോചനദ്രവ്യം നല്‍കാനില്ലാതെ ടോം ഉഴുന്നാല്‍ നരകയാതന അനുഭവിക്കുമ്പോഴാണ് താങ്കള്‍ 45 ലക്ഷത്തിന്റെ ആഢംബര കാര്‍ വാങ്ങി വിലസുന്നത്: ബിഷപ്പ് മാത്യു അറയ്ക്കലിന് തുറന്ന കത്ത്

തിരുവനന്തപുരം: ഫാദര്‍ ടോം ഉഴുന്നാലിന്റെ മോചനവുമായി ബന്ധപ്പെട്ട് ബിഷപ്പ് മാത്യു അറയ്ക്കലിന് തുറന്ന് കത്തയച്ച് ഒരു സഭാ വിശ്വാസി.

തീവ്രവാദികള്‍ക്ക് പണം കൊടുത്താലേ പുരോഹിതനെ അവര്‍ മോചിപ്പിക്കൂവെന്ന അവസ്ഥ നിലനില്‍ക്കുന്ന സാഹചര്യത്തിലാണ് അങ്ങ് 45 ലക്ഷം രൂപ വിലയുള്ള ടയോട്ട ഹൈബ്രിഡ് ആഡംബര കാര്‍ വാങ്ങിയതായി സോഷ്യല്‍ മീഡിയയില്‍ വന്ന വാര്‍ത്തകളിലൂടെ താന്‍ മനസ്സിലാക്കിയത്

Dont Miss പ്രതിഷേധ സമരത്തില്‍ പങ്കെടുത്ത അന്ധനും ബധിരനുമായ യുവാവിന്റെ തലവെട്ടാന്‍ സൗദി കോടതിയുടെ ഉത്തരവ് 

ഒരു കത്തോലിക പുരോഹിതന്‍ മോചനദ്രവ്യം നല്‍കാത്തതുകൊണ്ട് തീവ്രവാദികളുടെ തടവറയില്‍ കിടന്ന് നരകയാതന അനുഭവിക്കുമ്പോഴാണ് ഒരു കത്തോലിക ബിഷപ്പ് യാത്രാവശ്യത്തിന് ഇത്രയും വലിയ വില കൂടിയ കാര്‍ വിശ്വാസികളുടെ പണം കൊണ്ട് വാങ്ങി എന്ന മട്ടിലുള്ള വാര്‍ത്തകള്‍ പ്രചരിച്ചു കൊണ്ടിരിക്കുന്നതെന്ന വസ്തുത അങ്ങയുടെ ശ്രദ്ധയിലും വന്നു കാണുമല്ലോ എന്നും തുറന്ന കത്തില്‍ മാലേത്ത് പ്രതാപചന്ദ്രന്‍ എന്നയാള്‍ ചോദിക്കുന്നു.

ഫാദര്‍.ടോം ഉഴുന്നാലിന്റെ മോചനദ്രവ്യം സ്വരൂപിക്കാന്‍ കേരളത്തിലെ എല്ലാ കത്തോലിക പള്ളികളിലെയും ഒരു ഞായറാഴ്ചത്തെ വരുമാനം ദാനം നല്‍ണമെന്നും അടുത്തിടെ പി.സി ജോര്‍ജ്ജ് എം.എല്‍.എ പത്രസമ്മേളനം വിളിച്ചുപറഞ്ഞിരുന്നെന്നും കരഞ്ഞോണ്ടും പ്രസ്താവന ഇറക്കിക്കൊണ്ടും മാത്രമിരുന്നാല്‍ ആ സാധു പുരോഹിതനെ രക്ഷിക്കാനാവില്ലെന്നും തീവ്രവാദികള്‍ ആവശ്യപ്പെട്ട പണം കൊടുത്താലേ അദ്ദേഹത്തിന്റെ മോചനം സാധ്യമാകൂ എന്നും അദ്ദേഹം അന്ന് പറഞ്ഞിരുന്നെന്നും ഇദ്ദേഹം ഫേസ്ബുക്ക് പോസ്റ്റില്‍ എഴുതിയ തുറന്ന കത്തില്‍ പറയുന്നു.
To,
His Excellency Bishop Mar Mathew Arackal,
Diocese of Kanjirappally.

അഭിവന്ദ്യ പിതാവേ,
ഫാദര്‍ ടോം ഉഴുന്നാലില്‍ എന്ന ക്രൈസ്തവ പുരോഹിതന്‍ ദീര്‍ഘകാലമായി തീവ്രവാദികളുടെ തടവറയിലാണെന്ന വിവരം ഏവരേയും പോലെ അങ്ങേയ്ക്കും അറിവുള്ളതാണല്ലോ!അദ്ദേഹത്തിന്റെ മോചനത്തിനായി മനുഷ്യത്വമുള്ളവരെല്ലാം ജാതിബമതബവര്‍ണ്ണബലിംഗ വ്യത്യാസമില്ലാതെ പ്രാര്‍ത്ഥനയിലുമാണ്.

പക്ഷേ മനുഷ്യത്വം തൊട്ടുതീണ്ടിയിട്ടില്ലാത്ത തീവ്രവാദ ഗ്രൂപ്പുകള്‍ പ്രാര്‍ത്ഥനയുടെ മാത്രം ഫലമായി നാളിതുവരെ അവര്‍ തടവുകായി പിടിച്ച ഒരാളെയും മോചിപ്പിച്ചിട്ടില്ല. അവര്‍ക്കാവശ്യം പണമാണ് എന്നാണ് കേട്ടിട്ടുള്ളത്.
മിഷനറി പ്രവര്‍ത്തനത്തിനിടയില്‍ തട്ടിക്കൊണ്ടു പോയി തടവറയിലായ ആ സാധു പുരോഹിതന്‍ സഹായത്തിനായി കേണപേക്ഷിക്കുന്ന വീഡിയോ ദൃശ്യങ്ങള്‍ പലതവണ പുറത്തു വരികയും ചെയ്തു.

Also Read നിസ്‌കരിക്കുന്നത് സമുദായിക സ്പര്‍ധ വളര്‍ത്തുന്ന കുറ്റമെന്ന് യു.പി പൊലീസ്; നിസ്‌കരിച്ചതിന് അഞ്ചു പേര്‍ക്കെതിരെ കേസ്

കഴിഞ്ഞ ദിവസം ഞാനും കൂടി പങ്കെടുത്ത കോട്ടയത്തെ പത്രസമ്മേളനത്തില്‍ വച്ച് അങ്ങേയ്ക്ക് ഏറെ പ്രിയപ്പെട്ട ജനപ്രതിനിധിയായ ശ്രീ..പി.സി.ജോര്‍ജ്ജ് MLA ഒരു നിര്‍ദ്ദേശം വയ്ക്കുകയുണ്ടായി. കേരളത്തിലെ ചില രാഷ്ട്രീയ സംഘടനകളും കത്തോലിക്കരായ ചില രാഷ്ട്രീയ നേതാക്കളും ഫാദര്‍.ടോം ഉഴുന്നാലിന്റെ മോചന വിഷയം പബ്‌ളിസിറ്റിക്കായി ഉപയോഗിക്കുന്നുവെന്ന് പത്രലേഖകരില്‍ ചിലര്‍ ചൂണ്ടിക്കാണിച്ചപ്പോഴാണ് ശ്രീ.പിസി.ജോര്‍ജ്ജ് ഇത്തരത്തിലൊരു നിര്‍ദ്ദേശം മുന്നോട്ടു വച്ചത്.

തീവ്രവാദികള്‍ക്ക് പണം കൊടുത്താലേ പുരോഹിതനെ തീവ്രവാദികള്‍ മോചിപ്പിക്കൂവെന്നും അതിനുവേണ്ടി ഫാദര്‍.ടോം ഉഴുന്നാലിന്റെ മോചനദ്രവ്യം സ്വരൂപിക്കാന്‍ കേരളത്തിലെ എല്ലാ കത്തോലിക പള്ളികളിലെയും ഒരു ഞായറാഴ്ചത്തെ വരുമാനം ദാനം നല്‍ണമെന്നതായിരുന്നു ആ നിര്‍ദ്ദേശം.

കരഞ്ഞോണ്ടും പ്രസ്താവന ഇറക്കിക്കൊണ്ടും മാത്രമിരുന്നാല്‍ ആ സാധു പുരോഹിതനെ രക്ഷിക്കാനാവില്ല തീവ്രവാദികള്‍ ആവശ്യപ്പെട്ട പണം കൊടുത്താലേ അദ്ദേഹത്തിന്റെ മോചനം സാധ്യമകൂ എന്നും അദ്ദേഹം ആ പത്രസമ്മേളനത്തില്‍ പറഞ്ഞിരുന്നു.

ഈ ആവശ്യം നിലനില്‍ക്കുന്ന സാഹചര്യത്തിലാണ് അങ്ങ് 45 ലക്ഷം രൂപ വിലയുള്ള ടയോട്ട ഹൈബ്രിഡ് ആഡംബര കാര്‍ വാങ്ങിയതായി സോഷ്യല്‍ മീഡിയയില്‍ വന്ന വാര്‍ത്തകളിലൂടെ ഞാന്‍ മനസ്സിലാക്കിയത്.അങ്ങ് ആ വാഹനത്തിനറെ മുന്നില്‍ നില്‍ക്കുന്ന ചിത്രങ്ങളും സോഷ്യല്‍ മീഡിയയില്‍ തരംഗമായിരിക്കുകയാണ്.ഒരു കത്തോലിക പുരോഹിതന്‍ മോചനദ്രവ്യം നല്‍കാത്തതുകൊണ്ട് തീവ്രവാദികളുടെ തടവറയില്‍ കിടന്ന് നരകയാതന അനുഭവിക്കുമ്പോഴാണ് ഒരു കത്തോലിക ബിഷപ്പ് യാത്രാവശ്യത്തിന് ഇത്രയും വലിയ വില കൂടിയ കാര്‍ വിശ്വാസികളുടെ പണം കൊണ്ട് വാങ്ങി എന്ന മട്ടിലുള്ള വാര്‍ത്തകള്‍ പ്രചരിച്ചു കൊണ്ടിരിക്കുന്നതെന്ന വസ്തുത അങ്ങയുടെ ശ്രദ്ധയിലും വന്നു കാണുമല്ലോ!

അതുകൊണ്ട് അഭിവന്ദ്യ പിതാവേ, കത്തോലിക്കനായ ശ്രീ.പി.സി.ജോര്‍ജ്ജ് മുന്നോട്ടു വച്ച നിര്‍ദ്ദേശം നടപ്പിലാക്കാന്‍ അങ്ങ് മുന്‍കൈയെടുക്കണമെന്നാണ് എന്റെ എളിയ അഭ്യര്‍ത്ഥന.എല്ലാവരേയും അതിനു പ്രേരിപ്പിക്കുന്നതിനായി അങ്ങ് വാങ്ങിയതായി വാര്‍ത്തകളിലുടെ മനസ്സിലാക്കിയ 45 ലക്ഷം രൂപയുടെ ആഢംബരകാര്‍ ബിഷപ്പ് ഹൗസ് വളപ്പില്‍ വച്ച് പരസ്യമായി ലേലം ചെയ്ത് അങ്ങനെ കിട്ടുന്ന തുക….അതൊരു പക്ഷേ ആ കാറിന്റെ വിലയെക്കാള്‍ വലിയൊരു തുകയായിരിക്കും…..ആ തുക മുഴുവന്‍ ഫാദര്‍ ടോം ഉഴുന്നാലിന്റെ മോചനദ്രവ്യമായി സ്വരൂപിക്കണമെന്ന് ,ശ്രീ.പി.സി..ജോര്‍ജ്ജ് നിര്‍ദ്ദേശിച്ച ഫണ്ടിലേക്ക് സംഭാവന നല്‍കണമെന്ന് വിനയത്തോടെ അഭ്യര്‍ത്ഥിക്കുന്നു.

അങ്ങ് ഇപ്രകാരം ചെയ്താല്‍ അത് ഫാദര്‍ ടോം ഉഴുന്നാലിന്റെ മോചനത്തിനുള്ള പരിശ്രമങ്ങളുടെ വേഗം വര്‍ദ്ധിപ്പിക്കുക തന്നെ ചെയ്യും.
അങ്ങേയ്ക്ക് എല്ലാ വിജയങ്ങളും നേര്‍ന്നുകൊണ്ടും ഈശ്വരാനുഗ്രഹങ്ങളുണ്ടാകണമെന്നു പ്രാര്‍ത്ഥിച്ചു കൊണ്ടും,
വിനയത്തോടെ
മാലേത്ത് പ്രതാപചന്ദ്രന്‍.