ന്യൂ​ദൽഹി: റ​ഫാ​ല്‍ ഇ​ട​പാ​ട് അ​ന്വേ​ഷി​ക്ക​ണ​മെ​ന്ന ആ​വ​ശ്യം ത​ള​ളി​യ​തി​നെ​തി​രെ സ​മ​ര്‍​പ്പി​ച്ച പു​ന​പ​രി​ശോ​ധ​നാ ഹ​ര്‍​ജി​കളുടെ വാദം തു​റ​ന്ന കോ​ട​തി​യി​ൽ വെച്ച് കേൾക്കാൻ സു​പ്രീം​കോ​ട​തി തീരുമാനം. ചീ​ഫ് ജ​സ്റ്റീ​സ് ര​ഞ്ജ​ൻ ഗെ​ഗോ​യി അ​ധ്യ​ക്ഷ​നാ​യ ബെ​ഞ്ചാവും ഹർജികൾ കേൾക്കുക. കേന്ദ്രം കോടതിയെ തെറ്റിദ്ധരിപ്പിച്ചു എന്ന് ചൂണ്ടിക്കാട്ടിയാണ് പുനഃപരിശോധനാ ഹർജികൾ സമർപ്പിക്കപ്പെട്ടത്.

Also Read “സുഡാനി ഫ്രം നൈജീരിയ” സംവിധായകൻ സക്കരിയയ്ക്ക് അരവിന്ദൻ പുരസ്ക്കാരം

മുൻ ബി.ജെ.പി. കേ​ന്ദ്ര മ​ന്ത്രി​മാ​രാ​യ യ​ശ്വ​ന്ത് സി​ന്‍​ഹ, അ​രു​ണ്‍ ഷൂ​രി എ​ന്നി​വ​രാ​ണ് ഈ വിഷയത്തിൽ പു​ന​പ​രി​ശോ​ധ​ന ഹ​ര്‍​ജി​ക​ൾ സമർപ്പിച്ചത്. കേ​ന്ദ്രം കോ​ട​തി​ക്ക് കൈ​മാ​റി​യ വി​വ​ര​ങ്ങ​ളി​ല്‍ ഭൂ​രി​ഭാ​ഗ​വും വ്യാ​ജ​മാ​ണെന്നും അ​തു​കൊ​ണ്ടാ​ണ് റ​ഫാ​ല്‍ ഇ​ട​പാ​ടി​നെ സംബന്ധിച്ച് സി.​എ​.ജി. റി​പ്പോ​ര്‍​ട്ടു​ണ്ട് എ​ന്ന മട്ടിലുള്ള ഗു​രു​ത​ര​മാ​യ തെ​റ്റു​ക​ള്‍ ഡി​സം​ബ​റി​ലെ വി​ധി​യി​ല്‍ ക​ട​ന്നു​കൂടാൻ ഇടയായതെന്നു പ​രാ​തി​ക്കാ​ര്‍ തങ്ങളുടെ ഹർജിയിൽ പറയുന്നു.

Also Read ജെയ്ഷെ ക്യാമ്പിലെ വ്യോമാക്രമണം: ഇന്ത്യയോടും പാകിസ്ഥാനോടും സംയമനം പാലിക്കാൻ ആവശ്യപ്പെട്ട് ചൈന

തു​റ​ന്ന കോ​ട​തി​യി​ല്‍ വെച്ചുതന്നെ ഹർജികളിൽ തീ​ര്‍​പ്പു​ണ്ടാ​ക്ക​ണ​മെ​ന്ന് മു​തി​ര്‍​ന്ന അ​ഭി​ഭാ​ഷ​ക​നായ പ്ര​ശാ​ന്ത് ഭൂ​ഷ​ണും ചീ​ഫ് ജ​സ്റ്റി​സി​നോ​ട് ആവ​ശ്യ​പ്പെ​ട്ടി​രു​ന്നു.

യു.പി.എ ഭരണസമയത്ത് ഉണ്ടാക്കിയ കരാറിൽ നിന്നും ഏറെ ലാഭകരമാണ് 2016ൽ മോദി സർക്കാർ ഫ്രഞ്ച് കമ്പനിയായ ദസോ ഏവിയേഷനുമായി കരാറെന്നായിരുന്നു ഫെബ്രുവരിയിൽ പുറത്തുവന്ന കംപ്ട്രോളർ ആൻഡ് ഓഡിറ്റർ ജനറൽ ഓഫ് ഇന്ത്യയുടെ റിപ്പോർട്ട്. ഇത് കള്ളമാണെന്നും സർക്കാരിന്റെ മുഖം രക്ഷിക്കാൻ തയാറാക്കപ്പെട്ട റിപ്പോർട്ടാണിതെന്നും അന്നുതന്നെ ആരോപണം ഉയർന്നിരുന്നു.

Also Read രാജ്യദ്രോഹക്കുറ്റം ചുമത്തി അറസ്റ്റു ചെയ്ത മലപ്പുറം ഗവണ്‍മെന്റ് കോളജ് വിദ്യാര്‍ഥികള്‍ക്ക് ജാമ്യം

മാത്രമല്ല, “ദ ഹിന്ദു” പത്രം പുറത്തുവിട്ട രേഖകൾ അനുസരിച്ച് യു.പി.എ. സർക്കാരിന്റെ കാലത്ത് എഴുതപെട്ട കരാറിൽ ഇപ്പോൾ ലഭിച്ചതിനേക്കാൾ ലാഭത്തിൽ വിമാനങ്ങൾ വാങ്ങാനുള്ള അവസരം ഉണ്ടായിരുന്നു എന്നും തെളിഞ്ഞിരുന്നു.