ജനസമ്പര്‍ക്ക പരിപാടിയുമായി ഉമ്മന്‍ചാണ്ടി; ഇത്തവണ ഓണ്‍ലൈന്‍ വഴി
ഡൂള്‍ന്യൂസ് ഡെസ്‌ക്
Sunday, 19th April 2020, 8:17 am
തിരുവനന്തപുരം: ഓണ്‍ ലൈന്‍ ജനസമ്പര്‍ക്ക പരിപാടിയുമായി മുതിര്‍ന്ന കോണ്‍ഗ്രസ് നേതാവ് ഉമ്മന്‍ചാണ്ടി. തിരുവനന്തപുരം ജഗതിയിലെ പുതുപ്പള്ളി വീട്ടില്‍ ഇതിന് വേണ്ടി കണ്‍ട്രോള്‍ റൂം തയ്യാറാക്കി. മൂന്ന് ദിവസംകൊണ്ട് മുന്നൂറിനടുത്ത് ഫോണ്‍കോളുകള്‍ ഉമ്മന്‍ചാണ്ടിക്ക് വന്നുവെന്നാണ് പറയുന്നത്.
രാവിലെ ആറു മണി മുതല്‍ രാത്രി പത്ത് മണിവരെയാണ് ഫോണ്‍കോളുകള്‍ക്ക് മറുപടി നല്‍കുന്നത്. ലാന്‍ഡ് ഫോണില്‍ വരുന്ന ഫോണ്‍കോളുകള്‍ ഉമ്മന്‍ചാണ്ടി നേരിട്ടാണ് എടുക്കുന്നത്. വരുന്ന കോളുകളുടെ നമ്പറുകള്‍ നോട്ട് ബുക്കില്‍ രേഖപ്പെടുത്തും.
തനിക്ക് വരുന്ന ഫോണ്‍കോളുകളില്‍ ഏറെയും സഹായം തേടിക്കൊണ്ടുള്ളതാണെന്നാണ് ഉമ്മന്‍ചാണ്ടി പറയുന്നത്.
