ഓണ്‍ലൈന്‍ ചൂതാട്ടക്കെണി; സഹോദരന് ശബ്ദസന്ദേശം അയച്ച് യുവാവ് ആത്മഹത്യ ചെയ്തു
ഡൂള്‍ന്യൂസ് ഡെസ്‌ക്
Saturday, 10th July 2021, 11:50 pm
ചെന്നൈ: ഓണ്‍ലൈന്‍ ചൂതാട്ടത്തില്‍ ലക്ഷങ്ങളുടെ നഷ്ടം സംഭവിച്ചതോടെ തമിഴ്‌നാട്ടില്‍ ഒരു യുവാവ് കൂടി ആത്മഹത്യ ചെയ്തു. തിരുച്ചിറപ്പള്ളി സ്വദേശി മുകിലനാണ് ആത്മഹത്യ ചെയ്തത്.
ഓണ്‍ലൈന്‍ ചൂതാട്ടം നിരോധിക്കണമെന്ന ശബ്ദസന്ദേശം കുടുംബാംഗങ്ങള്‍ക്കും സുഹൃത്തുകള്‍ക്കും അയച്ച ശേഷമാണ് മുകില്‍ ആത്മഹത്യ ചെയ്തത്.
ലോക്ക്ഡൗണ്‍ സമയത്ത് നിരവധി ഓണ്‍ലൈന്‍ ചുതാട്ടങ്ങളില്‍ മുകില്‍ അഡിക്റ്റായിരുന്നു. ഇതോടെ 9 ലക്ഷം രൂപയോളമാണ് മുകിലിന് കടക്കെണിയായത്.
റമ്മി ഉള്‍പ്പടെയുള്ള കളികളില്‍ നിന്നു ചെറിയ രീതിയില്‍ മുകിലിന് പണം ലഭിച്ചിരുന്നു. പിന്നീട് സുഹൃത്തുക്കളില്‍ നിന്ന് കടം വാങ്ങിയായിരുന്നു കളിക്കാന്‍ തുടങ്ങിയത്.
