പരസ്പരം വലിച്ച് താഴെയിടാനുള്ള നാളുകളല്ല ഇതെന്ന് ഓര്‍ക്കണം, കൂടുതല്‍ ക്ഷമകാണിക്കണം: രത്തന്‍ ടാറ്റ
ഡൂള്‍ന്യൂസ് ഡെസ്‌ക്
Monday, 22nd June 2020, 1:34 pm
മുംബൈ: പരസ്പരം പഴിചാരാനും വലിച്ചു താഴ്ത്താനുമുള്ള സമയത്തിലൂടെയല്ല സമൂഹം കടന്നുപോകുന്നതെന്ന് വ്യവസായ പ്രമുഖന്‍ രത്തന്‍ ടാറ്റ. ആളുകള്‍ പരസ്പരം മുന്‍വിധിയുണ്ടാക്കി കഠിനമായ രീതില്‍ തമ്മില്‍ വേദനിപ്പിക്കുകയാണെന്നും അദ്ദേഹം പറഞ്ഞു.
” എല്ലാ മനുഷ്യര്‍ക്കും ഒരര്‍ത്ഥത്തില്‍ അല്ലെങ്കില്‍ മറ്റൊരര്‍ത്ഥത്തില്‍ വളരെ ദുര്‍ഘടവും വെല്ലുവിളികളും നിറഞ്ഞ വര്‍ഷമാണിതെന്നാണ് ഞാന്‍ കരുതുന്നത്. ഓണ്‍ലൈന്‍ കമ്മ്യൂണിറ്റികളില്‍ വളരെവേഗത്തില്‍ വിധിയുണ്ടാക്കി പരസ്പരം വലിച്ച് താഴെയിട്ട് വേദനിപ്പിക്കുകയാണ്. ഇപ്പോഴുള്ളതിനെക്കാള്‍ കൂടുതല്‍ ക്ഷമയും സ്‌നേഹവും മനസ്സിലാക്കലും ആവശ്യമാണ്.,” അദ്ദേഹം പറഞ്ഞു.
