കാബൂളില്‍ ചാവേറാക്രമണത്തില്‍ പങ്കെടുത്തത് കാസര്‍ഗോഡു നിന്നുള്ള മലയാളിയല്ലെന്ന് ഡി.എന്‍.എ പരിശോധന ഫലം; റിപ്പോര്‍ട്ട്
ഡൂള്‍ന്യൂസ് ഡെസ്‌ക്
Wednesday, 12th August 2020, 8:03 am
ന്യൂദല്‍ഹി: അഫ്ഗാനിസ്ഥാന്‍ തലസ്ഥാനമായ കാബൂളില്‍ മാര്‍ച്ച് 25ന് ഒരു ഗുരുദ്വാരയില്‍ ഉണ്ടായ ചാവേര്‍ ആക്രമണത്തില്‍ പങ്കെടുത്ത മൂന്ന് പേരില്‍ ഇന്ത്യക്കാരനില്ലെന്ന് ദ പ്രിന്റ് റിപ്പോര്‍ട്ട് ചെയ്യുന്നു. കാസര്‍ഗോഡ് നിന്നുള്ള മലയാളിയായ കല്ലുകെട്ടി ഇജാസാണ് ഒരു ചാവേര്‍ എന്ന് ഇംഗ്ലീഷ് മാധ്യമങ്ങള്‍ നേരത്തെ റിപ്പോര്‍ട്ട് ചെയ്തിരുന്നു.
ചാവേറായ വ്യക്തിയുടെ ഡി.എന്‍.എ അഫ്ഗാന്‍ സുരക്ഷാ ഉദ്യോഗസ്ഥര്‍ പരിശോധിച്ചിരുന്നു. പരിശോധനയില്‍ 21കാരനായ മുഹമ്മദ് മുഹ്‌സിന്‍ എന്ന അബു ഖാലിദ് അല്‍ഹിന്ദിയെന്ന അഫ്ഗാന്‍ പൗരനാണ് ഇതെന്നും ഇന്ത്യക്കാരനല്ലെന്ന് തെളിയുകയുമായിരുന്നു.
